星期日，很醒！竟然可以行到超過一個鐘氣功，腳痛程度都是維持在可容忍度。回家後還可若無其是的沖茶、叮蘿蔔糕食添。
可惜，一切活動，在八時後就中止了......在梳化睡了十多分鐘，醒來，肚子傷口痕痕癢癢的，一望之下，哇~~~~~竟然滲血！！白色的紗布變成鮮紅色。唯有即call丹尼鄭，佢話可能係瘀血，叫我不要撕開那片膠布，只需在上面加紗布，再貼膠布，用壓力按著止血就可，晚上就只可睇下電視食飯算喇，乜都唔好做，明早再去診所畀佢睇下。哈，原來屋企係冇紗布的，只有膠布型的紗布，是但求其貼下啦。
食過飯後，血繼續滲，還漏出了最原先那片膠布添，而家是深夜十二點幾，血仍未止，噓，應該冇事掛......
氣功真的那麼勁，可以將體內瘀血迫出？哇，原來真係咪立亂發功。（明早見到丹尼鄭，死口都唔認自己做過運動先，唔係盞捱罵。）
4 則留言:
你唔驚丹尼鄭看到你呢個blog咩?
醫生唔得閒睇blog啦...
小雲迪, 你點啊, 一直都無你的消息(直接的), 好掛住你啦, 有無再瘦, 再瘦唔掂啊, 不如你都開個blog, 大家仍然繼續 "網上見". 甜姑 字
小雲迪原來早已有blog，但要等成氣候才公布喎。
其實昨天我想回覆的...但不知何解,我成日login不到,不是要我認證,就說我密碼不符,激死...所以最終放棄了.
對,我有blog的,我好叻,我近日已經趕緊工,希望緊貼時間,現在已差不多...可以公布,yeah!
另外,甜姑,我今次休養,別人雖說我瘦了,但體重其實又差不多喎...我認為...怎樣也不及在酒店時的瘦,可放心.
發佈留言