我的葬禮，初步構想

見甜姑講開我的葬禮，就令我諗起麥嘜早期一個故事，內容是幫小龜阿輝辦葬禮，大家好認真為阿輝做足儀式，揀靚棺木，最後，阿輝冬眠醒來（係呀，佢未死，只係冬眠），大家好高興一齊再玩一次葬禮。

近來有社工帶老人家去睇墳場，介紹棺木，做足喪禮準備，免自己百年歸老後子孫亂搞，或冇子孫的，就冇人理。

我也姑且寫一下我的喪禮意願：
．大量Lavendar，香，又襯我個名－－芬姨
．不要道教儀式，不要破地獄，好唔型
．至於用乜宗教儀式呢？未知添
．環保紙棺，型
．骨灰不要撒落大海，我唔識游水
．骨灰用來種花就ok
．如果死時仲未嫁得出，我要穿婚紗，嘻，做怪誕屍新娘都幾型
．我想整一張CD ROM，記錄我與你們一起的相簿

場內，想播呢首歌


當你們正在為工作上、生活上的無聊人和無聊事激心時，不如諗諗你的葬禮想點搞，諗下諗下，可能會搵到你的生存目標。