睇電視資訊要用腦呀

睇上星期六晚的《一網打盡》，真係火都黎埋。

該集花了好多時間去反駁港台一集《鏗鏘集》節目「飲奶有無益」內指述的牛奶的壞處，內容避重就輕，偷換概念：將致敏的「敏感」定義為「乳糖不耐症」；將骨折問題歸咎於「家居安全」！！！較詳細的論點，在小馬哥的Blog內，有興趣就去睇下啦。

我只係想講，一個節目，係由不受廣告客戶操控的電視台做；另一個節目，是依賴廣告客戶而生存的電視台拍攝，誰是誰非，各位自行定奪。

但節目中的所謂營養師，卻不理會公眾責任，發放歪理，此類專業人士，我們需要尊重嗎。