重返地蓆上

上星期六，上完日文課，急急趕到旺角，玩Yoga Yin Class。輕輕鬆鬆，借助地心吸力，拉鬆筋骨。

昨晚，上Leo堂，唔知點解，佢唔多fans，八點半高峰時間，全班得約廿人。對我來說，咁仲好，佢可以照顧大家多d。聽老馬說，Leo堂勁辛苦，勁累；好彩昨晚有新人上，又有我呢個手術傷口人，所以動作還ok，但我都玩到一身汗。落堂後，就連扭傷了的頸部痛楚都減輕了很多。

今朝起身，全身筋骼好像拉鬆晒，人是精神了不少，Yoga，我不捨得Cut０左你，但六百蚊月費，真係好貴啊。