昨天入練功場，Orientation，係由前輩分享練功心得。活生生的見證，睇得到的，是只要有決心，就能自救。十六年來每天練六個鐘，連上天也感動啦！
然後，覆診。據鄭醫師診脈，我有：肺熱、肝熱、脾胃熱、腎濕、三焦熱、心包熱．．．唔記得咁多喇。脈象唔好，但對比上次，已經有進步。我本身有風濕底，所以關節易痛，醫師話煲湯時可加粟米（我成日都食粟米0架喇喎）。幾常肚餓，可試食些少豆腐（我都有喎）。豆類唔好食咁多，因為有傷口易發炎，但四季豆之類屬蔬菜，可食。醫師最後忠告：勤力0的，唔好掛住做0野！
臨走，問周師兄關於阿Can的情況，周師兄指，剛剛同佢傾偈個女仔，紅斑狼瘡，以前皮膚一片片甩，而家皮光肉滑，不過懶了一輪，又變0左低血壓。阿Can的Case，如果只是黃豆般大粒，倒不如畀三個月時間試下，腫瘤0係得淋巴，都係會周圍走0架啦，切得幾多？......又幾有道理喎。
否則，做完手術要半年後才可練喎，似乎太遲了哩。
昨晚打坐，坐坐下突然好似搭船咁，頭有點搖動，然後慢慢開始轉圈，愈轉幅度愈大，心慌，立即停功，齋坐都可以咁有氣？好得人驚！
沒有留言:
發佈留言