好在有Discovery

偶爾按到Discovery Travel & Living睇，發覺都幾正。

數星期前，就有一個節目介紹Austria的Saltzburg。如佈景一樣的雪山，擺在眼前，睇到哇哇聲。還有The Sound of Music拍攝原址大屋，我都好想像女主角般在玻璃屋中跳住唱I'm Sixteen Going On Seventeen。晚餐，有現場樂隊彈平易近人的Mozart音樂。酒吧大大個Mug自"Jum"啤酒，嘩，好美味呀！




前晚，睇煮食節目，介紹日本傳統食物，兼當地文化。最頂癮係主持去到一間有Lolita服侍的cafe，裡面有好多電車男呀∼∼主持還說，在美國一定不能開這樣子的cafe，因為婦女組織一定唔會畀你開到。

節目中還有一位酒店廚教煮麵豉湯。原來，要煮好這一碗湯，單單落麵豉醬是不足夠的。首先，要用木魚絲熬湯（要快，不能煮太耐），然後就可落麵豉醬-->豆腐-->味醂-->少少清酒（用來調和麵豉醬的鹹味）。下次買齊料又試下整先。

觀看其他地方的旅遊節目，可以讓我暫時逃離人多車多塵多充滿壓迫感的香港，讓我抖抖氣。