日戲港化

近排好多日戲上，時間有限，要揀。‘怪俠多羅羅’是必睇的，因為是手塚治虫作品。

好怕睇戲時有種想睇表的感覺，這一套，有。完場後，發覺套戲竟花了我兩個小時，點解而家　0的戲下下都咁長，係因為導演唔識剪片？或是而家0的古仔太複雜？前者居多掛，我覺得。

套戲，古仔當然不會差，拍的手法也終於似一套電影，而不是劇集。尤其是動作場面，愈睇愈似港產片。主角的連環腿、在空中飛舞，動作以至鏡頭運用，都熟口熟面。完場後，甜姑揭曉是程小東做武指，哦～～～～～～～～～～終於明白了。

無睇開日本電影，衷心支持港產片的朋友，為了程小東，不妨去看一看。