山頂遊

上星期六(10/3)，與甜姑早早上了山頂，沿盧吉道走了大半個圈，再行落薄扶林水塘。九點半置地出發，行上纜車站，約兩點就搭車回到銅記食和民。

大霧中的山頂，灰暗，濕漉漉，空氣中滲著少少涼意，每一口呼吸都噴出煙圈......這樣的春天，我喜歡。想當年在荷花工作，春天的晚上，大霧籠罩太古坊，在街燈的燈光上加了soft lens，好鬼浪漫，好鬼淒美。


個天，的確好灰，但好配合未長新枝新葉的樹。


好久沒拿D70s去威，搞0左好耐，都未影到一張小花相，最後要用閃燈。後來，終於發覺我搞錯了光圈大小...


象牙花，現在開得正盛。


大霧當中一點橙。


大到可以做一道拱門出來的印度橡樹，很壯觀。


山上遊人不少，遊狗也很多，這隻金毛，唔知擔住條木做乜？


盧吉道的豪宅，睇到我流晒口水；呢間屋好得意，前後門都放了好多佛像。


警狗出巡，好英！！！！


薄扶林水塘旁有個傷健康樂場，入面有馬0架。聽家姐講，馬好有性，咁高智慧的動物，每天被困同一地方，佢一定好唔開心。