再畀外星人檢驗

有冇聽過今屆十大中文歌曲頒獎禮的主題歌？由阿Lam、陳奕迅、古巨基等五位男聲合唱的，我想講~~~~~~~~~~~好難聽。Eric Kwok作的曲完全冇乜特別，而且副歌部分重覆太多，音樂輕快卻顯得沉悶。

29號，小妹會於浸會照PAT SCAN，然後再在肚子開一小洞，取出肚內的盒仔。聽聞照PAT SCAN要飲一大支糖水，又要打藥入血管，全程需時2個半鐘啦。這次check up，是看看體內有沒有大於4mm的腫瘤。28號晚要入院住一晚，相比仁安，那兒環境會如何呢。

本來計劃二月就返回工作崗位，但這幾天發覺自己很渴睡，晚上十二點多睡覺，竟可斷斷續續睡至第二天的中午。看來，我身體還沒回復過來，返工，朝九晚六坐在office，還要行氣功，捱得住嗎？有諗過，不如學學舊同事canita，最初返半日工先，等身體適應下先，唔知公司畀唔畀。