人生補時

最近狂煲日劇，每晚都要睇起碼一集來幫助睡眠。
今朝睇新聞，14歲男生因為求愛不遂，跳樓輕生，很傻。立即想到Loss Time Life 上野樹里一集。
Loss Time Life，今季日劇，逢星期六深夜半小時一集完。每集獨立故事，主人公每集不同，主題係人在真正死亡前，給予了一段補時時間Loss Time，讓他在最後時間去完成未完心願。
鍾意打Winning Eleven的，必睇，因為套劇係用Winning作包裝，主角是球員，球證控制補時時間長短，監管犯規動作，仲有旁述喎～～唔知係咪真係winning那２位呢？
以輕鬆手法處理嚴肅又老生常談的話題，真係好得。

上野樹里在這集，是一個護士，與男朋友分手後，因絕望而跳樓輕生。可是，在補時階段才發覺，自己竟然為了一個雞毛蒜皮的原因，而導致自己無法再吃美味的海膽壽司～～～多麼白痴！！

我又記得，韓劇《浪漫滿屋》，女主角的母親說了一句：長命一點，果然可以見到多點好事發生...

不是嗎？世界那麼大，一定會有令你欣喜的事情的，那麼多美食未嘗過，那麼多風景未看過，怎捨得離開！！

大家都要活在期待中啊！