雜談

公司好多０野做，唔似以前，經常偷時間寫blog。今日算是有點空閒，寫少少啦。
～～～～～～～～～～
轉工．轉世
食力貓由細玩到大的堂姐突然急病離世，知道呢隻傻貓一定好唔開心，希望你不要太傷心啦。

公司有同事離職，轉去新工作，人工好，公司夠大，將會有更好的發展。不期然，將兩件事聯繫在一起。人們恐懼死亡，因為對死後世界一無所知。

或者，我們離開這地球，就等如轉了新工，去另一個更美好的世界。人們經常說，「點解好人永遠早死？」，可能因為他們值得去更好的地方生活。
活著的，要好好修行。
～～～～～～～～～～
幸免．倖免
金融海嘯，報紙常寫「連XX集團都不能幸免．．．」
係「倖免」呀，各位！
～～～～～～～～～～
占卦．子未
近日學占卦，為自己起了一支事業謀望，出咗世應係子未相害，噢．．．即係唔使諗轉工住．．．灰。

但我會繼續努力。
～～～～～～～～～～
CS4．CS4
Adobe出了CS4，上星期去了聽seminar，拿了件很閃的黑Tee，幾靚喎。
Seminar完結時，抽大獎──整套CS4，登登登櫈！係一位公務員，頂，又係0個0的返工時間去進修去聽seminar的高級人員啦，仲要抽到獎，可惡！
～～～～～～～～～～
穩定
我想做公務員，因為我唔想再擔心公司執笠問題。但那些官僚做事方式，我絕對不能適應，還要熟讀基本法，死咩！
退而求其次，搵下大學文職先。
～～～～～～～～～～
手下留情
今朝在屋企樓下，見到麻雀仔在啄食藍色物體，有點像老鼠藥餌，它攝在坑渠邊．．．我趕時間，沒有理會，但後來還是步回，將那粒藥餌踢落坑渠，當時，已有另一隻豬屎乍對食物虎視眈眈。唉，救到幾隻，又未必救到全部，工作人員落藥有冇替其他無辜生命想過？佢地唔識字，唔識睇壁布板的通告的。