荃官父子兵

星期三中午，午睡正甜中（在公司喎，幾幸福），被手電鈴聲吵聲，原來係阿哥。佢打來報告，話大仔入了荃官（是阿哥的母校）。他說，能派到入去，事前做了不少功夫。我記得有次食飯佢話過，又要做本portfolio呀咁囉，那時我很驚訝，連我自己去見工，都未有本好完整的portfo，點解而家小朋友讀書咁辛苦。

都好丫，終於如佢所願。還有，他的中學同學兼老死羅醫生，佢囡囡本來派位派得唔好，但佢以前係荃官headboy，又係醫生，阿哥一去搵校長，校長就即收佢個囡，兩位老死的子女又做番同學，幾好丫......第日會唔會拍埋拖呢下。

荃官的校徽，我印象好深，有對手捧著一支棒咁樣。細個時，經常見到阿哥的校簿、獎牌、校服，當然會記得啦。以前的年代，荃官是名校，聞說今年都出了個五A A-level狀元，優良成績，還能保持，可喜。

最緊要的，還是希望兩個小朋友讀書都讀得開心。好好享受他們的青春。