一期一會

朋友幫手買飛，睇《一期一會》Rerun，入場前，完全無印象呢套係乜劇，希望會有驚喜。

昨天睇午場，兩點九開波，睇完，竟然係五點九，三小時的話劇，我未睇過。這三小時，我唔會覺得抵，因為中間我要睇表，這套劇，太冗長。

朋友老婆話套劇想扮村上春樹，我無睇過村上的長篇小說，不能評論。睇完後，發覺原來現今年輕人的：
同性戀，已經好普及
援交，等閒事

好睇處：
．即場one man band音樂伴奏
．陳百強的歌，原來可以代表年輕代的生活
．林一峰聲靚
．無台設計有心思
．有某些位幾感動，都搞到我喊

爛處
．一期＝一生，一會＝一瞬間的遇上，日文詞彙，比喻一生只會遇到一次，劇名與內容有點不符
．對於我們同行的四名中年人來說，劇中強說愁味太重
．劇中人物無故用日本人名，諗唔到點解……
．服裝設計不認真，五個主角，只有一兩個建立了頗鮮明形象
．爛gag太多，我隔籬的少女曉笑，我唔識
．趙學宜那部分，可以完全delete
．資料搜集不足，一套劇有兩個自閉症年青人，但表達到自閉症像是性格缺陷，好易就醫好，表面如正常人。查網上資料，話自閉症係“中樞神經系統受損所引發的普遍性發展障礙；常伴隨有智障、癲癇、過動、退縮以及情緒等障礙。簡單的說，自閉症患者在日常生活中具有三項障礙：缺乏社會交互作用的能力，語言表達困難，及偏異的行為。”成因係腦部發展障礙，令認知出現問題，唔係有幾個好朋友陪你，你就會醫好。
．演員噴Mic很嚴重
．激動位太多，這些高潮位，應該係可以帶動現場觀眾情緒，要觀眾一同緊張，與劇情同呼同吸，但下下動手動腳，大叫大嚷，睇到麻木，仲有點眼訓添。


~~~~~~~~~~~~~~~~~~~~~~~~
年輕時，一年睇幾次話劇，後來，相隔多年都無再睇，因為不容易搵到一套能感動人的話劇。

睇話劇，似係一個承諾，多過娛樂，因為要早在個多月甚至三四個月前買飛，如果對套劇有期待的話，這段日子可不好過，因為想快點進場看。即使不抱太大期望，也要不時提醒自己有這樣一個約會，以免活動撞期。所以，如果睇到一套爛劇，我會好唔開心。

話劇vs電影，我情願揀後者，投入得不算多，即使套戲爛，花費與浪費的也不算多。