一集講「牛奶會致癌」的《鏗鏘集》，搞到無線要做多好多功夫，去sell番牛奶的好處。
7月9日的《鏗鏘集》，再來刮奶類生產商一巴。
今次重點，係講奶粉公司，以廣告手段，甚至國際外交層面，去將奶粉sell畀媽咪，要媽咪相信，BB唔飲奶，就會營養不良。
0係香港，六個月以下BB適用的奶粉，是不能賣廣告的，因為要遵守世衛發出的指引，六個月以下的BB，應該飲人奶。但係，香港沒有禁止奶粉公司以派發Sample來作招徠（某些國家已立法禁止了），一些媽咪會，免費將一罐罐的奶粉派給媽咪試用。想當年，我在忽周，都曾經極力推介一眾媽咪入會拿著數，真罪過。
菲律賓，醫護人員收受美國旅遊利益，向媽咪強力推介飲奶粉，加上在廣告力谷下，一眾媽咪得不到正確資訊，相信奶粉神話。但由於水源不潔，令很多兒童因沖奶粉而患傳染病死亡。菲律賓決定立法禁止2歲以下的奶粉廣告及禁止醫護人員推介奶粉品牌，但是奶粉商反而指斥菲律賓政府違反自由貿易的原則而告上法庭。一場外交貿易戰，尚未有結果，希望真理能勝出。
多謝港台仍能製作如此好節目，撐你！
推介大家睇呢集：最好的配方
沒有留言:
發佈留言