十周年的一天

早上練拳，公園有一貓兒坐在練拳地方的長椅上，間中坐著，間中在徘徊，間中叫喊。練到中段，蹲下逗牠玩時，發現長椅後有古怪，走近看，是小貓咪的屍體，被雨浸得全身濕了。原來，大貓貓貓不捨.....不過最後，貓媽媽都走了。情景縈繞腦海，很難揮去。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

睇醫師，話我夜晚訓得好左，係好事，如果晏晝唔眼訓，就更好。左邊身，佢話Ｄ血唔係好夠，有點塞。膀胱經寒。

今劑藥勁呀，18種藥：

澤瀉 15克
乾薑 25
厚樸 10
桂枝 10
五味子 6
八月扎 10
桃仁 10
大腹皮 10
柏子仁 15
細辛 3
淫羊藿 15
肉蓯蓉 20
綿茵陳 20
茯苓 20
豬苓 15
炙甘草 10
半邊蓮 15
熟附子 15
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

晚上睇Die Hard 4.0，公式依舊，不過過程緊張，一個又一個危機，拆解得有腦，夠精采，不免令我聯想到24。最近好少睇續集影片睇得咁投入，冇訓著。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

十周年了，今夜與十年前一樣，下著雨，城市溫度得以下降，心，也有點涼。那些甚麼萬人打鼓、燒煙花，夠了吧。天要下雨......

望住黑夜的雨點漣漪，突然想起學友的“分手總要在雨天”﹣﹣“總要在雨天，人必掛念從前”

十年了。蘇人中話，香港還有廿年大運行喎。

都係要飲綠茶

信報財經新聞 P37 副刊專欄 康和健 By 顧小培
2007-06-20
標示關鍵字
癌細胞的逃生伎倆
　　　從前的書店中，在收銀處的上方，設有一條空中通道，可達店內多個地方，原理像是大嶼山的空中吊車。這設施十分重要。在新學期前的購書高峰期，店員收了錢，放在這「吊車」上，一按掣，鈔票飛越人群，去到收銀處；點收妥當後，收條連找續沿原路回到顧客手中。現在有了電腦，這勞什子早已被淘汰。最常見的，是餐館中的終端機，樓面落單，廚房馬上收到訊息。但當然亦有一些小店，例如茶餐廳，仍是靠侍者寫「柯打」（order）。
　　老式茶餐廳的落單過程，有一點點像細胞質（樓面）「柯打」細胞核（廚房）製造某一個蛋白質（例如揚州炒飯）。那一張列上揚州炒飯的單，叫轉錄因子（Transcriptional Factor）。不同的菜式，要用到不同的轉錄因子。比方，當免疫細胞需要多一些白介素二，便會用一個叫NFAT的轉錄因子去通知細胞核；欲要抵抗素，用到的則是另一個叫PPAR的轉錄因子。
　　轉錄因子只是一張單，貼在廚房某一個特定的地方。在細胞而言，這個地方是在遺傳物質的頂端，叫促進處（Promoter）。促進處的功能舉足輕重，因為，假如上面有太多雜物，轉錄因子無法置身其上，便無法通知「廚房」。那些雜物，大都是一種叫甲基（Methyl）的化學物；於是，干擾轉錄因子「柯打」的機制，我們稱之為甲基化（Methylation）。
　　在兩種情況下，細胞會故意出動甲基去干擾轉錄因子。一種是當胚胎瓜落蒂熟，須要鎖上一些胚胎專有的機制之時。另一是當細胞須要「專門化」，化身成為一些有特殊功能。癌細胞盜用了這個機制，令自己可以逃脫被判死刑的命運。怎樣做？
　　原來每一個細胞都有一套監察系統，以防止細胞癌變；一旦發現遺傳物質有異常的變動，會命令細胞自己了斷，也就是自滅（Apoptosis）。假如癌細胞先下手為強，用甲基干擾細胞製造自滅的蛋白質（叫Hypermethylation）便可以逃出生天，逍遙自在矣。
　　有一種天然的化學物，叫EGCG（全名是Epi Gallo Catechin Gallate），可以熄滅癌細胞的Hypermethylation，保障細胞有一個健全的防癌機制。什麼東西含有EGCG？綠茶也（Mol. Pharmacol. Vol.68 pp.1018-1030; Cancer Res. Vol.63 pp.7563-7570）。

寄生植物"肉蓯蓉"

醫師每次都開好大劑藥，有16種咁多，乜我真係咁大劑嗎？

6.16的藥:
熟附子 15克 <---溫腎助陽
乾薑 20克 <----溫暖脾陽
炙甘草 8克
茯苓 20克
菌陳 20克
炒白朮 20克 <----健脾燥濕
豬苓 12克 <----行氣導滯
木香 6克 <-----行氣導滯
炒神曲 10克
大腹皮 10克
桂枝 12克
澤瀉 15克
細辛根 3克
五味子 6克
柏子仁 20克
丹皮 10克

6.23的藥:
乾薑 25克<---加重了
細辛根 3克
法半夏 15克
五味子 6克
炙甘草 6克
桂枝 15克
茯苓 30克
豬苓 15克
木香 6克
大腹皮 12克
杏仁 10克
川朴 10克
柴胡 15克 <----第一次用柴胡啊
白芍 20克
桃仁 10克
肉蓯蓉 20克 <---通便用的，尤其用於老人的不暢...嗚～～～變了老人家，但原來呢種藥，又是寄生植物，很難人工培植，數量漸少，詳細資料，見於WWF的網頁：

分 佈
散 見 於 中 國 西 部 與 北 部 ， 包 括 甘 肅 、 山 西 省 、 內 蒙 古 以 及 新 彊 維 吾 爾 自 治 區 等 地 ，
蒙 古 以 及 中 亞 地 區


特 徵
獨 一 無 二 的 寄 生 草 本 植 物 ， 寄 生 在 梭 梭 木 與 白 梭 梭 木 的 根 部 上
生 長 於 湖 濱 或 荒 漠 地 區 的 沙 地 上
整 棵 植 物 ， 尤 其 是 肉 質 莖 ，可 以 入 藥 ， 能 補 腎 益 精 ， 可 治 療 陽 萎 和 遺 精 等 病 況 ，雖 然 有 成 功 以 人 工 培 植 肉 蓯 蓉 的 報 導 ， 但 距 離 可 進 行 商 業 規 模 的 人 工 培 殖 仍 有 很 長 距 離 ， 而 且 要 培 育 多 年 才 能 達 至 可 出 售 大 小

保 育 狀 況
於 2000 年 列 入 《 華 盛 頓 公 約 》 附 錄 二


威脅

不 符 合 可 持 續 模 式 的 捕 撈 －－種 群 數 目 急 遽 下 降 ， 分 佈 地 迅 速 縮 小
非 法 貿 易－－為 應 付 國 內 與 國 際 間 的 大 量 需 求 ， 走 私 與 其 他 非 法 活
動 時 有 發 生
寄 主 減 少－－人 類 以 具 破 壞 性 的 方 法 採 集 肉 蓯 蓉 ， 其 寄 主 總 一 併 被 摧毀

震音緊要定動人緊要？

唱歌好唔好聽，技巧固然重要；有冇感情，能不能打動人，就決定了你能否將歌曲靈魂帶入歌中，讓歌曲"成精"。

星期二端午假，無線重播唔知乜鬼節目，陳慧琳、謝安琪分別翻唱王菲的歌，陳慧琳，不嬲唱歌冇感情，做戲冇感情，一個公仔放在表演台上，供人觀賞罷了；謝安琪，充滿信心，把握住歌曲的情緒，將之演譯，可以將人的心攝走。

張學友、王苑之版本的《我真的受傷了》，王苑之唱的，可以令我個心拿住拿住；學友嘛，止步於好高技巧囉。

最經典的，是阿Sam，佢唱歌無震音，尾音又唔會拖得好長，但那種真摯感情，就將歌曲深陷入心。阿Sam永遠是我最愛。



近來很興翻唱喎．．．．．．．

黎舊天王翻唱其他舊天王的歌，聽落，好似一舊舊冰硬綁綁、凍冰冰的放在面前，好悶。

有個叫萱寧的，翻唱李克勤的《藍月亮》，編曲0岩晒mood，唱得好有磁性，有種吸引力，都幾好聽喎。

古巨基，唱杜德偉的《愛變了這世界襯衣》．．．．唱得好悶，根本捉唔到首歌神髓嘛。

翻唱人地o既歌，可以係落人地面，亦可以係自己搵「架」來丟的啊。

我係咁0架喇，吹咩！

滿心期待，讓阿牛幫我打爆Biohazard。山長水又遠的，抬機抬火牛入愉景灣，點知，入到去，開唔到部Wii。

其實由昨晚開始，我望住部機，就有點不祥之兆，會唔會部機燒鬼0左呢？！（因為我將部DVD機的兩腳插頭插在一個拖板上，姨甥仔第一：可能會以為自己好醒，搵到個近d0既位插部Wii，唔使拖個電掣去火牛度；第二，條友懶，怕麻煩，就直接將部Wii插在電視旁的拖板上的兩腳插蘇轉換器。

唔信邪，冇在出發前試機，點知，真係畀我估中0左。

終於，四條友在愉景灣走來走去，上上落落，最後都係冇機打，搞到一身汗，又曬黑埋。

晚上去黃金試機，睇下邊度壞，發現係火牛燒了，用180買番。猛然醒起，電視機旁的拖板在上星期突然燒Fuse，當時不以為然，這時才將Wii燒火牛的事件拉上關係，已有十足把握回家大興問罪之師。

但，熟知條友仔性格，直接問，佢一定唔會認，唯有先發問一些常識問題，以香港用電電壓的話題開始問佢，叫他一步一步踏入陷阱。

嘿，後來條友仔承認知道拖板燒了，但不知Wii的火牛燒0左啦。

頂佢個肺，如果佢唔係一個理科生，如果佢唔係鍾意打機，我都冇咁嬲。考會考喇今年，仲要考Physics0架，咁簡單常識都唔識！話佢一句：原來你讀書係不求甚解0既！佢駁一句：係呀，我死背0架乍！都唔知佢點解0既！∼∼∼∼∼∼∼∼哇！真係想兜巴車埋去。而家好似佢讀書係被迫咁，佢係受迫害一族，我唔想讀0架，即使叫我讀，我都係唔識0架喇！爭在未講出口的是：你吹咩！

重點，其實唔係想鬧佢發洩，係想佢知道，學習，是用來生活的。好彩拖板有Fuse0者，唔係一插即爆即燒死你啦。咁簡單的常識都唔曉，平日仲要覺得自己好叻咁，問多兩句嫌你嘈，嫌你煩，覺得自己阿娘冇學識，講野完全唔需要尊重，唉，可能要到進入社會大學，這隻井底蛙才會成長。

遠志

個個星期的藥，都因應身體狀況加減，這星期嘛，沒有竹片，多了其他，算大劑0架，所以藥材舖都收貴了$5，盛惠$40（連煲），今日飲這劑藥的最後一次：

乾薑 20克
細辛根 3克
五味子 6克
法半夏 15克
遠志 6克
炙甘草 6克
桂皮 10克
茯苓 20克
澤瀉 12克
白朮 12克
炒神曲 10克
大腹皮 10克
石菖蒲 10克
桃仁 10克
生苡仁 30克
菟絲子 15克
杞子 15克
補骨脂 15克

好喜歡遠志這名字，因為讀書時曾接觸過，甚麼甚麼華南遠志，好似好有大志咁@v@；石菖蒲嘛，不是種來觀賞的嗎？菟絲子，寄生植物，是植物界的吸血鬼，一旦纏上都幾麻煩；補骨脂，名字很特別哦....令我想到，金米枝會不會都係一種藥呢！

There should be sunshine after rain

哭吧，盡情哭吧！

但，都已經接近2星期了，還是那麼傷心嗎？

快收拾心情，給我們陽光照射吧！

慶祝到碌地

年紀愈大愈信邪，愈覺得上帝之手其實無時無刻在你身邊。

回歸十周年，政府花大量金錢，歌舞昇平，粉飾太平，唱好香港。

但係個天，就係唔畀你咁得戚，唔好以為有錢大晒，有權就可隻手遮天。來個無風無浪無端端，由高空碌下來，為你助慶回歸，突顯你班友金玉其外，敗絮其中的低能。

－－－－－－－－－－－－－－－－－－－－－－－－－－－－－
自從自由行實施後，香港經濟有救了，可惜，生活環境一直變得惡劣。政府變成主導，而商家是特首的票源，變相，商家變成主導，小市民，是蟻民，是奴隸。我不覺得窮是大晒，政府一定要接濟，但，生活環境不給予翻身機會，貧富懸殊的炸彈只會愈谷愈大，看看在哪一年的七一，再爆發！

Teresa X Lam X 盧冠庭

老餅夜，睇Teresa x Lam演唱會：

感動1:開場後不久，由「仍然記得0個一次」開始，眼淚停不了。
感動2:請得郁盧冠庭做嘉賓，佢花了五分鐘講地球的危機，呼籲大家珍惜資源，減少污染。然後唱了「最愛是誰」、「陪著你走」、「天鳥」
笑位1:5歲小妹妹跳勁舞，好得意。
勁位1:兩個巨肺
勁位2:隊band，鼓手,結他勁有來頭。

原來上次無線的mini concert，與今晚的歌也差不多。再睇一次，都係咁精采。

鯨魚鯨魚有救啦

收到Human Society International的信，話日本第四大捕魚公司Kyokuyo，決定停止捕釣鯨魚，動力嘛，來自與之合作的美國公司True World Foods的壓力。難得收到這好消息，大家應該高興。

I wanted to be the first to share with you some fantastic news. Japan’s fourth largest fisheries company, Kyokuyo, has pledged to stop its sale of whale meat in Japan. Its decision follows a campaign led by Humane Society International, the Environmental Investigation Agency (EIA), and the International Fund for Animal Welfare (IFAW).

In April, the coalition of environmental and animal welfare groups called on American company True World Foods, which partnered with Kyokuyo to distribute sushi in the United States, to persuade Kyokuyo to stop selling whale products. According to Kyokuyo, it has ceased production of whale products and is in the process of selling off its remaining stockpile.

Without companies like Kyokuyo, Japan's whaling industry will fall flat. This news is especially timely as Japan is pushing its plan to kill even more whales at the International Whaling Commission meeting, happening right now in Alaska. Read HSI's daily coverage of the IWC.

咳好轉

剛剛這星期，醫師開的藥是有化痰止咳作用。打開藥袋，竟然見到一片片竹，好香，好清。藥材舖老闆話，以前的竹茹，是一片片刨出來的，而家，就咁破開就係lu。食這劑藥，感覺到喉嚨不斷慢慢將痰推出來，開始就是喉嚨痕，然後痰便慢慢出來。星期一、二，咳到喘氣，到星期三，咳開始少了，今日星期五，起身也沒有咳，但仍有痰囉。

紫苑 15克
厚樸 9克
五味子 6克
冬瓜仁 15克
生苡仁 15克
麻黃 8克
茯苓 20克
熟附子 15克
乾薑 20克
枇杷葉 15克
大腹皮 10克
柏子仁 15克
細辛 3克
竹茹 15克
炙甘草 8克
焦神曲 10克

純testing,超無聊

黃口小B獨立了

而家每朝平均六點醒，今朝終於的起心肝，到公園練太極。

六點後，是公園最人頭湧湧的時間，勉強搵到一個無太陽曬住，隱蔽（不想獻醜）的位置。

稍微郁動一下，已滿身是汗，都唔知對身體係有益定有害。滴住汗，忽然見到一張熟悉的面孔在草地上出現。這黑領椋鳥小朋友，頭灰灰未換齊毛，黃口仍未變成堅實嘴巴；在早兩星期見到牠時，牠是跟隨父母在草地上搵食，眉精眼企的牠，見到父母有「斬穫」，就會搶前大叫：「畀我食畀我食！（當然係用雀仔語言）」今日見到佢，已變得獨立，自己一條友掘下泥，搵蟲仔。恭喜你呀小鳥，你大個仔／女喇！

廣場上的眼淚

是因為中國真的開放了嗎?還是奧運關係?丁子霖與徐玨，終於可以前往天安門拜祭兒子。屈了18年的眼淚，終於可以在廣場上灑下。難為了這些母親。

丁 子 霖 首 次 路 祭 亡 兒






【 蘋果報訊 】 「 小 連 ， 對 不 起 ， 今 天 才 能 在 你 遇 難 的 時 間 、 你 遇 難 的 地 方 和 你 見 面 ， 你 的 靈 魂 回 來 吧 ， 在 這 見 見 我 吧 。 」 18 年 過 去 了 ， 「 天 安 門 母 親 」 發 起 人 丁 子 霖 前 晚 11 時 10 分 ， 在 當 局 稍 為 放 寬 監 控 下 ， 終 可 首 次 於 六 四 周 年 紀 念 日 ， 在 兒 子 蔣 捷 連 被 槍 殺 的 北 京 木 樨 地 拜 祭 他 。 回 想 當 日 血 淋 淋 的 屍 體 就 在 寸 步 之 前 ， 丁 子 霖 與 其 他 天 安 門 母 親 忍 不 住 抱 頭 痛 哭 。 記 者 ： 莊 曉 陽 許 偉 賢



18 年 前 的 6 月 3 日 晚 上 11 時 10 分 ， 丁 子 霖 兒 子 蔣 捷 連 在 木 樨 地 被 解 放 軍 射 殺 ， 過 去 丁 子 霖 一 直 被 公 安 嚴 密 監 視 ， 不 能 親 自 到 木 樨 地 拜 祭 愛 兒 。 她 說 ， 每 年 六 四 周 年 ， 大 批 便 衣 公 安 都 會 在 她 門 前 站 崗 ， 限 制 其 人 身 自 由 ， 監 控 其 一 舉 一 動 ， 然 而 上 月 31 日 便 衣 公 安 跟 她 說 ， 「 今 年 不 來 了 」 ， 她 今 年 的 六 四 周 年 才 可 以 親 身 到 木 樨 地 。




「 說 了 不 要 哭 ， 但 忍 不 住 」

「 我 帶 著兒 子 的 遺 照 、 鮮 花 、 蠟 燭 、 傘 及 小 凳 子 等 ， 我 們 沒 有 帶 標 語 、 也 沒 有 喊 口 號 ， 我 們 不 想 用 這 種 方 式 。 我 之 前 跟 我 自 己 說 了 不 要 哭 ， 然 而 ， 最 後 ， 也 是 忍 不 住 … … 」 丁 子 霖 哽 咽 地 說 ： 「 我 穿 上 黑 衣 服 ， 別 上 香 港 同 胞 送 的 六 四 別 針 … … 」 丁 子 霖 昨 向 本 報 親 述 哭 祭 亡 兒 的 痛 苦 經 過 。
同 行 的 還 包 括 丁 子 霖 的 丈 夫 蔣 培 坤 、 另 外 兩 名 天 安 門 母 親 徐玨及 馬 雪 芹 。 他 們 一 行 人 約 11 時 左 右 抵 達 木 樨 地 復 興 門 復 興 大 街 29 號 樓 對 開 的 地 方 ， 在 路 上 擺 下 鮮 花 、 親 人 遺 照 、 蠟 燭 、 水 果 及 酒 拜 祭 ， 他 們 其 間 更 忍 不 住 倒 下 痛 哭 ， 場 面 感 人 。
丁 子 霖 說 ， 18 年 間 ， 不 是 沒 有 機 會 到 兒 子 遇 難 的 地 方 拜 祭 ， 只 是 頭 五 年 她 根 本 提 不 起 勇 氣 ， 94 年 後 ， 當 局 每 年 都 監 控 六 四 周 年 紀 念 ， 於 是 沒 有 機 會 再 在 兒 子 遇 害 當 刻 親 祭 亡 兒 。 18 年 來 ， 她 只 是 去 年 9 月 在 一 間 英 國 電 視 台 記 者 陪 同 下 ， 到 木 樨 地 看 看 兒 子 遇 害 的 地 方 ， 所 以 前 晚 哭 祭 亡 兒 ， 心 中 難 免 感 到 內 疚 。
徐玨 的 兒 子 吳 向 東 則 在 木 樨 地 橋 頭 犧 牲 ； 馬 雪 芹 的 女 兒 雖 然 不 在 木 樨 地 遇 難 ， 但 也 一 同 前 往 拜 祭 ， 其 間 更 悲 傷 過 度 不 適 ， 沒 法 支 撐 下 去 ， 要 由 親 屬 提 前 護 送 回 家 。




《 成 都 晚 報 》 刊 六 四 廣 告

另 外 ， 昨 晚 在 香 港 維 園 舉 行 的 支 聯 會 六 四 燭 光 集 會 上 ， 播 放 了 另 一 名 天 安 門 母 親 成 員 李 雪 文 的 錄 影 片 段 ， 她 憶 述 過 去 十 多 年 無 法 悼 念 民 運 中 死 去 的 兒 子 ， 她 本 人 受 盡 監 控 ， 每 當 聽 到 香 港 人 可 以 悼 念 六 四 ， 都 會 感 到 相 當 激 動 ， 想 飛 到 會 場 ， 「 同 你 們 一 起 點 支 蠟 燭 ， 痛 痛 快 快 地 大 哭 一 場 。 」 她 希 望 香 港 可 以 一 直 悼 念 六 四 ， 否 則 中 國 會 成 為 一 個 無 聲 的 中 國 ， 雖 然 她 已 80 歲 ， 但 決 不 會 放 棄 平 反 六 四 ， 會 堅 持 到 生 命 最 後 一 刻 。
路 透 社 則 報 道 ， 內 地 報 章 昨 日 驚 現 向 「 天 安 門 母 親 」 致 敬 的 廣 告 ， 是 18 年 來 首 次 。 兩 名 看 過 該 廣 告 的 市 民 表 示 ， 四 川 《 成 都 晚 報 》 昨 在 第 14 版 的 右 下 角 ， 刊 登 一 條 寫 ： 「 向 堅 強 的 六 四 遇 難 者 母 親 致 敬 。 」 該 報 編 輯 對 此 拒 絕 置 評 ， 公 安 已 就 此 事 展 開 調 查 。 去 年 4 月 ， 四 川 方 面 向 六 四 死 難 者 周 國 聰 的 家 屬 作 出 賠 償 ， 開 創 政 府 賠 償 六 四 死 難 者 的 先 例 。

一肚氣

今日心情不大好。

可能是六四，可能突然在blog上得知陳生已離去。

突然好想大喊一場！

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

呀，要報告一下今日覆診情況，醫生照了我的肚子，話肚內一滴水也沒有，肚脹，是因為腸內有氣。敲肚子，發出空洞的聲音時，是空氣緣故；若聲音較實，就是水喎，醫生話我學得一半，識得一半！

後記:5/6朝早有驗血報告，CA125為6.8，比上次多了少少，但仍在10以下，繼續努力！

無論雨怎麼打 自由仍是會開花

18年前，你在哪兒，在做甚麼？
不期望六四能在未來十年內可以得到平反，始終牽涉問題太複雜。但至少，我們不能忘記。
忘記，等如將死者再殺一次。
說沒有死人此等冷血說話的，與當年下令屠城，以及用槍嘴指向人民的軍人，有何分別。

人雖走，夢仍在，我們沒有忘記。

這個台長好鬼型

來自蘋果的人物訪問。
很敬佩這位台長，有Guts，有料。佢係觀雀專家，估唔到，佢生活得咁環保。Salute!!!!!


日期：2007年6月1日
回 歸 10 年 百 人 誌
天 文 台 長 「 洩 天 機 」 ： 北 風 熱 又 臭
去 年 颱 風 派 比 安 襲 港 「 掛 錯 波 」 事 件 ， 公 眾 嘲 笑 天 文 台 台 長 林 超 英 「 聞 風 不 動 」 。 其 實 台 長 對 風 極 之 敏 感 ， 夏 季 北 風 起 ， 他 一 嗅 便 知 ， 即 使 慳 電 美 德 聞 名 全 港 ， 也 按 捺 不 住 起 身 關 窗 開 冷 氣 ， 「 聞 到 ， 北 風 又 熱 又 臭 ， 你 返 大 陸 聞 唔 到 有 陣 味 咩 ？ 就 係 隻 味 。 」 　 記 者 ： 白 琳

訪 問 歷 時 一 個 多 小 時 ， 只 有 這 句 話 「 洩 露 」 他 不 滿 內 地 的 劣 質 空 氣 禍 及 香 港 。 記 者 問 他 為 何 過 去 十 年 藍 天 越 來 越 「 鬼 祟 」 ， 他 只 答 「 地 區 發 展 」 四 大 字 ， 輕 輕 帶 過 這 政 治 性 議 題 。 再 問 與 珠 三 角 工 廠 是 否 有 關 ， 他 則 說 衞 星 圖 顯 示 台 灣 高 雄 工 廠 的 黑 煙 也 會 吹 來 香 港 ， 「 唔 係 單 一 地 方 問 題 ， 係 整 個 華 南 區 域 問 題 。 」 再 追 問 ， 他 開 始 搞 「 爛 gag 」 ， 瞇 眼 笑 說 ： 「 如 果 突 然 經 濟 大 蕭 條 ， 藍 天 一 定 返 ！ 至 於 幾 時 大 蕭 條 ， 我 呢 個 氣 象 佬 就 唔 識 預 測 ， 哈 哈 哈 哈 ⋯ ⋯ 」
「 好 多 人 都 唔 明 我 講 乜 。 」 其 實 林 超 英 很 認 真 ， 更 以 身 作 則 ， 抗 衡 經 濟 起 飛 帶 來 的 消 費 享 樂 主 義 。 過 去 十 年 ， 有 五 年 屬 香 港 開 埠 以 來 最 熱 的 年 份 。 在 他 眼 中 ， 衣 服 、 冷 氣 機 、 雪 櫃 、 甚 至 熱 水 爐 等 必 需 品 都 會 燃 燒 能 源 加 劇 污 染 。


多 得 市 民 「 鬧 得 勁 」
他 只 有 兩 對 半 鞋 ， 所 謂 半 對 即 是 穿 了 洞 ， 不 能 在 下 雨 天 穿 ； 家 只 有 幾 件 恤 衫 替 換 ， 出 席 隆 重 場 合 就 加 一 條 黑 呔 ， 「 做 一 件 衫 都 要 用 好 多 能 源 ， 家 人 閒 閒 三 、 四 十 件 T 恤 ， 近 十 年 係 消 費 主 義 巔 期 ， 即 係 瘋 癲 期 。 」 林 超 英 還 記 者 洗 澡 慳 電 法 ， 就 是 塗 抹 沐 浴 露 時 關 水 喉 ， 夏 天 只 用 凍 水 洗 澡 ， 「 你 知 唔 知 水 泵 上 樓 都 要 電 ？ 熱 水 更 加 電 。 」
每 年 只 有 吹 「 臭 北 風 」 的 日 子 ， 林 超 英 才 會 開 冷 氣 ， 平 時 流 汗 度 日 ， 有 客 到 （ 包 括 記 者 ） 就 開 那 座 年 資 起 碼 十 年 的 直 立 式 生 電 風 扇 。 拯 救 地 球 說 得 輕 鬆 ， 最 愛 冷 氣 的 香 港 人 怎 能 回 歸 吹 風 扇 的 日 子 ？ 「 好 多 人 都 話 行 唔 返 轉 頭 ， 能 源 始 終 一 日 會 用 盡 ， 到 時 你 點 都 要 返 轉 頭 。 問 題 係 ， 你 想 山 窮 水 盡 咁 樣 返 ， 定 係 有 秩 序 咁 逐 步 改 變 生 活 模 式 。 」
林 超 英 在 天 文 台 的 行 事 作 風 ， 與 其 反 消 費 主 義 的 理 念 一 樣 ， 一 般 人 難 以 接 受 。 過 去 十 年 ， 天 文 台 是 廣 大 市 民 罵 得 最 狠 的 部 門 之 一 。 每 逢 狂 風 暴 雨 ， 天 文 台 的 熱 線 就 會 變 成 投 訴 熱 線 ， 「 我 呢 度 好 大 風 ， 點 解 唔 掛 ８ 號 ？ 」 、 「 我 呢 度 好 大 雨 ， 點 解 唔 落 黑 雨 ？ 」 謾 罵 和 人 身 攻 擊 連 綿 不 絕 ， 市 民 都 嫌 天 文 台 做 事 死 板 、 僵 化 ， 林 超 英 一 臉 從 容 ， 並 告 訴 記 者 一 個 鮮 為 人 知 的 事 實 ： 正 因 市 民 「 鬧 得 勁 」 ， 天 文 台 服 務 質 素 才 會 正 如 他 的 名 字 ， 十 年 間 「 超 英 趕 美 」 。
他 強 調 自 己 並 非 吹 牛 ， 99 年 天 文 台 在 全 港 最 高 的 大 帽 山 安 裝 雷 達 系 統 ， 更 有 效 監 測 惡 劣 天 氣 ， 「 殖 民 地 時 代 畀 英 軍 霸 ， 我 惟 有 響 大 老 山 擺 雷 達 ， 被 大 帽 山 遮 住 。 」 01 年 天 文 台 全 面 電 子 化 ， 位 於 長 洲 的 最 後 一 個 懸 掛 金 屬 風 球 標 誌 的 信 號 站 關 閉 。 首 個 全 球 官 方 天 氣 網 站 (http://worldweather.wmo.int) 翌 年 成 立 ， 正 是 由 香 港 天 文 台 研 發 及 運 作 ， 「 點 解 揀 香 港 ？ 因 為 你 要 求 高 ， 鞭 策 得 勁 。 」
天 文 台 回 歸 前 全 球 首 創 暴 雨 警 告 信 號 ， 黑 雨 紅 雨 還 不 夠 ， 98 年 再 加 設 黃 雨 ， 加 上 統 局 及 運 輸 署 等 部 門 配 合 ， 令 社 會 有 秩 序 地 暫 時 停 頓 ， 全 球 只 得 香 港 有 這 環 環 相 扣 的 應 變 機 制 。 林 超 英 越 說 越 起 勁 ， 試 圖 睜 大 細 小 的 眼 睛 ， 「 倫 敦 試 過 打 風 時 候 ， 條 街 人 差 畀 風 吹 起 晒 ， 乜 警 告 信 號 都 冇 ， 靠 乜 呀 ？ 執 生 咋 。 」



派 比 安 令 寢 食 難 安
記 者 反 而 想 起 ， 派 比 安 襲 港 時 ， 天 文 台 「 企 硬 」 只 掛 三 號 風 球 ， 強 風 吹 翻 了 尖 沙 嘴 海 旁 的 垃 圾 桶 ， 一 名 女 子 慘 被 擊 中 失 去 平 衡 ， 差 點 跌 落 海 ， 幸 好 她 懂 「 執 生 」 ， 攬 柱 保 命 。
那 時 候 ， 就 是 林 超 英 回 歸 十 年 來 最 寢 食 難 安 的 日 子 ， 「 有 人 認 為 『 我 呢 度 』 就 係 最 大 ， 其 實 只 係 身 邊 幾 十 呎 ， 點 能 代 表 全 香 港 呢 ？ 有 人 又 會 話 ， 制 度 係 死 ， 人 係 生 ， 要 識 得 轉 彎 。 我 之 所 以 生 活 得 咁 舒 適 ， 因 為 有 客 觀 制 度 。 制 度 要 變 ， 我 就 諮 詢 市 民 ， 唔 會 黑 箱 作 業 。 」
眼 見 下 屬 士 氣 低 落 ， 林 超 英 也 吃 不 下 飯 ， 召 開 員 工 大 會 ， 重 申 要 按 數 字 辦 事 ， 「 我 冇 所 謂 ， 咪 俾 人 ， 有 同 事 就 好 抑 鬱 。 佢 會 諗 ， 照 足 規 矩 扯 波 都 俾 人 鬧 ， 以 後 點 扯 ？ 我 就 話 ， 照 扯 ！ 」 他 向 記 者 複 述 時 語 帶 激 動 ， 雙 手 用 力 作 拋 波 狀 ， 義 無 反 顧 把 風 球 拋 出 去 。
【 回 歸 10 年 倒 數 30 日 】