奇妙

迪迪尼真的很奇妙,由離開車站開始,走過一條長長的通道,人就像離開了現實世界.
今日玩得好開心~~~好想買全年入場證,得閒入去玩,去影相.
美國小鎮大街好靚呀~~~

又鬆動番

自從六月收到份保單催交保費,生活就像陷入深谷中.
一個月寬限期到了,今日終於call 阿Red問問.

哇,真係算好彩,原來我零三年買的人壽,是每三年回撥保額的10%(頭一次回5%),零六年,我已收到萬七元的現金,當年無動用到,派每年四厘息,今年就用佢來交保費啦.
而下一年,我將會收到三萬四蚊,夠交保費有凸.除開計,我每年是要交$3166來承保人壽,呢種人壽保,又以乎彈性大啲,有錢時可以當儲錢,沒錢時,可以從戶口拿錢出來.

銀根立即鬆動了~~~~~~~~~~~~~~~
不過,我仍會堅持儲錢大計,繼續投資!!!!!

理髮全套

每次玩完Hanasana這個yoga pose,我條頸都像受了壓,會痛一兩天,上2星期,做完這pose,頸似乎又傷了,連帶起來,是一整個星期的頭痛,痛苦。(還是因為寒氣衝上頭,搞到頭痛不止呢?@_@?)

昨天終於有時間去剪頭髮,日本人經營的Hair Do,服務有番咁上下,有飲品不在話下,洗頭時與洗頭後,都有按摩提供,按摩可以消疲勞,又可以促進頭皮血液循環,讓頭髮更健康生長...理髮,不只是修理髮型那麼簡單。

想不到的是,這一次按摩,將我整個星期的頭痛解決了,雖然花了三百大元,都值得啦。

生命力

近來好鍾意發芽...其實唔算近來,只係近來比較顛 :)

一口氣在logon買了幾盆種子,好Q貴,捨得,因為街上買不到這些種子。

地球上最辣的辣椒


另,早幾星期,滿街飄起雪花似的木棉樹種子,看著它們在行人路馬路上滾動,被車輾過,被食環署人員當垃圾掃掉...很可憐啊。
執了2粒回公司,一粒浸了3晚,就開始發芽...佢生命力好強,於是決定幫佢上盆,放在公司。

在吉野家吃到的...

今晚在吉野家買了一個泡飯回家，我其實幾鍾意吉野家的飯，粒粒肥0都0都...但估唔到今晚的泡飯加了料。

在打印單上的，是浸在湯內的紙，上面用黑色墨水筆寫了一些數字，紙，已破爛了，我好擔心另一些紙碎已吞了入肚。
如果我不是有病在身，或者未必會咁擔心。　
飯，始終都是屋企煮的最好。

﹣﹣﹣﹣﹣﹣﹣﹣﹣
後記：
食到有紙的那晚，我往吉野家的網頁留了言，翌日就立即有人跟進，第三日，我拿證據給他們。
今天（4/14)，那位羅小姐再打來，話畀番vip券我，我其實唔係想要vip券，因為我未必會再去食，但為了快點完結件事，就算啦。
佢話哩，重未追查到張紙出處，因為佢地後欄不會用手寫的單，而家正向供應商跟進緊喎。
ok，羅小姐的態度，同佢地處理程序幾ok，好啦，我繼續支持佢啦。

送給自己的生日禮物

嘿嘿，考了咁多年，終於畀我考到啦。
拿成積時，見到靚女姐姐拿著輕飄飄的信封，以為死得，但當老馬幫我睇時，才知pass了！我興𡚒得在那兒喪笑！
因為我真係以為會差幾分才合格。
呵呵！


聽解今年都幾難，加上有條茂四響電話（賴），唔合格，但好彩其他分好少少乍。

~~~~~~~~~~~~~~~~~~~~~~~~~~~~~~~
還要多謝好友們的生日禮物,愛納信與莊小姐的無印福袋真係好正~~~~~~
各方好友的sms,msn呀,facebook呀~~多謝!!!!
馬生的相機,好玩!!!最好玩係,要到曬相時才知影到甚麼!

畀二百幾蚊入場搵周公子

藝術節真係要早一點訂飛才行,倫敦愛樂,紐約愛樂都睇唔到~~~只訂到上原ひろみ的jazz。

入場前,隔籬那幫專業人士,已經在吹水,話上原好crazy，我當時不明白，但睇完佢第一首曲，最後，她用手肘鋤落琴鍵，我就明白了。

整場表演，除了她，bass,guitar,drum都滿有水準。可能音樂人偏年輕，音樂都表現得好energetic，我覺得係好悅耳兼悅目的。但礙於同行的，都是剛上完太極班，食完午飯，大家都飯氣攻心，在音響咁好的大會堂音樂廳，暗黑的環境下，我們睇一場show，睡了半場．．．

散場後，餘韻尤在，不敢買她的CD聽，我家沒有靚聲音響，我怕破壞了那場show的美好印象。

Naive的是誰

阿嬌終於都唔扮喊,可能Mani都覺得她的戲太屎,再扮只會更惹人憎厭。
嬌說她以前太天真太傻,而家已經長大。
我不知她如何理解天真及傻,學網民話齋,天真?真的以為冠希的JJ是臘腸,誤放入口?
有網民大鬧,她把天真的詞污蔑了,我同意。
根據台灣教育部國語辭典解釋,天真一詞是謂:

• 心地純真，性情直率，沒有做作和虛偽。唐˙杜甫˙寄李白詩：「劇談憐野逸，嗜酒見天真。」

• 頭腦簡單，容易受假象迷惑而上當。如：「你的想法太天真了！這事不能單從一方面來想。」

阿嬌自出道以來,賣的都是純情玉女,小孩子的偶像和大姐姐,馬首是瞻。一眾樂迷頭腦簡單(包括小朋友的爹地媽咪),將英皇的市場策略照單全收,來到今天,一幕幕肉慾照擺在眼前,才驚覺自己當年太純真,被假象迷惑......阿嬌口中的天真,原來是指一眾歌迷------我是這樣解讀阿嬌的宣言。

請歌迷們清醒一點,你說她勇敢!我卻認為她們在禽獸成的特訓下,早已將女性的矜持永久封存於泥土下。同事話齋,那些動作,是一般女性做的嗎?
我沒有鄙視她們的行為,只是希望「天真」的死硬fan屎頭腦清醒一點,不要再「傻」下去。

-------------------
同事剛剛拿了份都市日報過來,有段報道寫:「本報獲得消息，指阿嬌的工作完全不受事件影響，她將於本月16日到北京為護膚品牌Regene拍廣告(見圖)，2月下旬又要到台灣宣傳國語唱片，4月在紅館舉行的演唱會更籌備得如火如荼，而電影方面，繼《梅蘭芳》後，阿嬌會跟飛輪海成員吳尊合拍新戲《武俠梁祝》，由阿嬌扮祝英台，工作表排得密密麻麻。」
咦?原來我們有廣告在北京拍嗎?...怎麼連marketing都唔知...

忙碌睇newsgroup

這幾天真熱鬧，在公司上網，都是不停上newsgroup check下有冇新“人“照。

柏豬爛玩係人都知，但阿嬌喎，又唱兒歌又扮cute，仲有大班死硬fans相信佢好innocent嗰下死嘛，所以今次畀人討論得最多的，都係佢。

娛樂圈的淫亂，其實一早都知，只是，今次畀人見到，又真係大鑊啲。

瘀

返工,走在深旺道上,見有2人在撬起樹底下的鐵塊,又見到沿路的樹下鐵,忽而齊全,忽而缺一,以為有人偷鐵。

回公司後,趕緊打去報案室。

搞了一大爛餐,警察話那2位是新鴻基的工人。頂~~~~~~~~~~~

那路段的樹是新鴻基的嗎?無端端整乜鬼?咁點解有啲樹的鐵不齊全?
我係咪太神經緊張........

瘀到爆呀~~~~~~~~~~

Programmer 點解咁勁?

上了三堂PHP, MySQL，都仲未能在Mac機上成功安裝。
在網上搵了數天，終於發現了一個重大原因﹣﹣﹣﹣PHP, Apache早已install在OS X 10.5 Leopard內，不過disabled了。
好心的programmer，在網上詳列解碼方法，步驟牽涉在root改動system config.，本著最多重新裝過OS的破釜沉舟的決心，step by step跟著做（我原全不明箇中原因的）。

終於，畀我搞到啦！！！！！！
Mac友們，若你都碰到以上問題，請到以下網址參考：

http://foundationphp.com/tutorials/php_leopard.php
http://www.procata.com/blog/archives/2007/10/28/working-with-php-5-in-mac-os-x-105/

Animated gif

小妹第二份功課,由FireWorks砌的animated gif,發現用了shadow filter,插圖變得立體,呢招式幾好用。

多災多難的豬年

臨近年尾,身體多災多難。
繼早前視網膜黃斑爆微血管,昨天搭巴士,又發生罕見意外:當我想坐在車長旁的座位搵八達通時,被座位旁的鐵箱撞到尾椎骨,哇~~~~~由最初痛,到後來痺,作死咩...無端端0個度有個鐵箱~~~~~

而家坐椅子都要就住...希望唔係撞裂了那截骨啦。

今個星期,唔好預我踩單車了...

日語試

剛剛的星期日(12.2),九點前就飛的去石硤尾考試。

自修的結果是......好多都唔識囉。

最激氣係,考聽解途中,前面條茂四響電話!!!!!!!
考試前,監考員已經講左不下十次,要熄電話,唔可以震機,因為音頻會影響接收,會發出Dee Dee聲,但點解仲有人會響電話???
點解考文字文法時唔響,考聽解時響???
點解會響完又再響???
點解條友坐我前面???

雖然,及不及格,不可以賴佢,但我激動在,點解會有人咁自私!!!!
(不過,事後諗,如果部機校了響鬧,即使熄左機都會響,所以有網友話,考試時應該拆電,而不是熄電話)

考完後第二日,大陸的forum已經post了試題出來,點解佢地咁神通廣大!
對完後,發覺都唔一定會唔及格喎...希望聽解生生性性啦。

Blur點

昨天玩瑜伽，望著瑜伽墊，突然發現右眼有一個視點blur了，眨眼時，那一點變成了反白，形狀如圖。

哇～點算呢，我要去旅行啊，不要又給我麻煩事好嗎！

看看今天能否預約到醫生先。

～～～～～～～～～～～～～～～
後記
臨急book醫生睇，姑娘見我講述病情，都格外開恩，在fully booked的情況下畀我睇。

普通驗完視力，再滴藥水放瞳孔，醫生就照兩邊視網膜。原來，在視網膜有條血管爆血，流了一小滴血塊，影響視力。醫生話，我食的中藥，有可能會導致血小板下降的。嗯，這個要再問醫師了。
醫生給了眼藥水及２種藥丸，吩咐：不能飲酒，不要做頭向下的運動，而大力咳嗽、大力去便便，都會有影響。

３星期後再覆診，看看血塊有沒有吸收番。

有視網膜快相睇，但要等老馬幫我scan囉。

我們的海洋公園

曾經，我都嫌棄過海洋公園，覺得她老了，舊了。但是，盛智文向她施了回春藥，整個香港仔山頭，又回復活力。現在，每一年，我都會入場一次；今年，為了睇樂樂盈盈，我更入場２次。

熊貓，真是奇特的動物，明明活在綠悠悠的竹林中，卻要生長成黑白色。海洋公園的資料板說，熊貓愛獨居，所以長成這樣子，讓大家可以互相見到對方......下？咁解釋都得？無論如何，看著牠們奇怪的表情與毛髮pattern，真的很開心！

上星期，睇盛智文訪問，才知道他做Ocean Park CEO，是分毫不收。一般人，只會向有利益的地方埋堆；他卻接收了一個爛攤子，全身投入，將她起死回生。這位老外，比我們更愛香港，更了解香港，更懂得如何去愛香港。









睇完訪問，再搭cable car，才發覺，這小小空間，有極廣闊視野，極寧靜環境，極清新空氣，這是我們香港的美，真的很感動。



這是我拍的樂樂盈盈片段，用iMovie加了音女樂，係完結得核突D,請諒。

交響情人夢想成真

在港樂的網頁上寫著：徇眾要求，港樂將於《交響‧情人夢的音樂世界》中演繹多首炙手可熱的流行古典音樂......

當真是徇眾要求哩。期待了好久，很想現場聽到Rhapsody in Blue，十一月九日十日，港樂將有兩場演奏NODAME CONTABILE，演奏會將有以下樂曲：
貝多芬 第七交響曲─第一樂章
拉赫曼尼諾夫 第二鋼琴協奏曲─第一樂章
布拉姆斯 第一交響曲─終樂章
巴伯 弦樂慢板
莫扎特 D大調第二長笛協奏曲─第一樂章
歌舒詠 藍色狂想曲
貝多芬 第七交響曲─終樂章

Beethoven Symphony No.7 - first movement
Rachmaninov Piano Concerto No.2 - first movement
Brahms Symphony No. 1 - last movement
Barber Adagio for Strings
Mozart Flute Concerto No. 2 in D - first movement
Gershwin Rhapsody in Blue
Beethoven Symphony No.7 - last movement

就快開始賣飛，希望撲到啦！

希望各位"忽然"愛classic的朋友，懂得一點點音樂會manner，不要開電話，不要傾偈＞＜......

緣份真奇妙

緣份真奇妙,昨晚玩完yoga,等巴士回家,就畀我撞到個舊同學,佢做廣告的,忙到嘔電,經常半夜三更還在公司,竟然在八點幾九點畀我撞到佢,要有以下巧合:

1.我第一次咁早(八點三玩完yoga),平時通常是九點幾的。
2.佢好難咁早放工.通常放工後,屋企囝囝都訓左,要朝早才能見面。

本來諗住見到佢打聲招呼就繼續等巴士,佢堅持要我上佢屋企睇佢個B,都好丫,反而約實時間去見面,大家都有機會放飛機,還是不要辜負上天安排的緣份啊。

可能我在忽周及荷花,已經用晒畢生對小朋友的passion,對住這位精靈BB,都不能表現興奮......雖然同學仔力讚佢個仔勁得意。(Sorry,如果你有在看這個blog,請原諒,哈)反而那2隻肥0都0都貓咪,是我調戲的對象,哈!

喂,朋友,見到你比上次精神,咁就好啦!但都要小心身體,透支太勁,身體真的不知可以捱到何時...命...要攤長來玩的。

Quebec

舊同學到美洲作長途旅遊,先去加拿大,再殺落南美,然後去New York。本想join佢去New York那程,但對美國真的興趣不大,資金有限,還是留作日本之旅吧。

在此借他的相post上來,這兒是Quebec的政府大樓喎(希望我冇記錯),天藍得很~~~,他說那兒充滿法國風情,building好classical。哇...如果有位靚女同行,肯定影相影到手震。

朋友,祝你旅途愉快,記得寄post card畀我~~~~~~~~

荒廢工作的玩意

一個人每日得24小時,睡覺佔8小時,仲有食飯返工睇電視...可以做自己野的時間實在有限。(不過我返工都經常做自己野,哈哈)時間分配成為絕大部分人的問題。

多得士多啤梨佩,最近呢個禮拜,係咁玩facebook,連寫blog都懶。呢樣玩意,原來真的可以令人荒廢工作,同事走過來畀job,都經常見到我畫緊graffiti,哈,真大鑊!

難怪早前澳洲的調查公布指,facebook令澳洲公司的生產力每年減少40億美元。今年7月,訪問Facebook的用戶量為1950萬,市值已突破10億美元,早已成為yahoo, google及microsoft的併購對象。但樹大招風,創辦人Mark Zuckerberg被他的3位哈佛同窗告上法庭,指他剽竊創意。

有興趣,請加入我們這班廢柴行列,到facebooksign in,然後add我丫,我會送好多花畀你~~~~my name:Funcat Lee, email:funcat@gmail.com. Waiting for you!!!!