前年的現在,差不多做完手術了。
今天,我由89磅升至現在112磅,係史上最重的。
因為練瑜伽緣故,手臂肌肉在成長;
不過,身體依然好虛,稍為一動,就滿頭大汗;
而且,很容易就累,一晚的夜睡,第二天就像魂遊一樣。
所以,我還要繼續努力。
2008年9月2日星期二
2008年8月9日星期六
覆診
隔了接近五個月才去搵丹尼鄭覆診,揀了奧運開幕那天,沒有特別,只是和甜姑夾好時間0者。丹尼鄭問我係咪移民,點解咁耐至去睇佢,我答:冇錢。
大拿拿五百蚊醫生費,又要四百六驗血,近排手緊呀,哈哈,儲下錢才去到探佢啦。
CA125 = 5,與上次一樣,好,又繼續努力。
大拿拿五百蚊醫生費,又要四百六驗血,近排手緊呀,哈哈,儲下錢才去到探佢啦。
CA125 = 5,與上次一樣,好,又繼續努力。
2008年7月28日星期一
理髮全套
每次玩完Hanasana這個yoga pose,我條頸都像受了壓,會痛一兩天,上2星期,做完這pose,頸似乎又傷了,連帶起來,是一整個星期的頭痛,痛苦。(還是因為寒氣衝上頭,搞到頭痛不止呢?@_@?)
昨天終於有時間去剪頭髮,日本人經營的Hair Do,服務有番咁上下,有飲品不在話下,洗頭時與洗頭後,都有按摩提供,按摩可以消疲勞,又可以促進頭皮血液循環,讓頭髮更健康生長...理髮,不只是修理髮型那麼簡單。
想不到的是,這一次按摩,將我整個星期的頭痛解決了,雖然花了三百大元,都值得啦。
昨天終於有時間去剪頭髮,日本人經營的Hair Do,服務有番咁上下,有飲品不在話下,洗頭時與洗頭後,都有按摩提供,按摩可以消疲勞,又可以促進頭皮血液循環,讓頭髮更健康生長...理髮,不只是修理髮型那麼簡單。
想不到的是,這一次按摩,將我整個星期的頭痛解決了,雖然花了三百大元,都值得啦。
2008年7月2日星期三
今日突然「神」
頽了起碼一個月,今早醒來,突然感到精神爽利,不再魂不附體,而且整天狀態ok,係午飯後要睡45分鐘(哈,對呀,係45分鐘,襯大家外出食飯未回,我可以睡個夠)。不知這突如其來的「神」,是回光反照,還是調整期完結,還是因為昨天努力地玩了一堂yoga,還是,因為天終於放晴了?
剛剛接到朋友電話,問候我狀態如何,她問:正常返工正常放工?我答:係呀。她說:咁咪好囉,仲想點呀!
係喎,仲想點呢?
天使,總係在你需要的時候出現。
剛剛接到朋友電話,問候我狀態如何,她問:正常返工正常放工?我答:係呀。她說:咁咪好囉,仲想點呀!
係喎,仲想點呢?
天使,總係在你需要的時候出現。
2008年3月9日星期日
返全職啦
update下先。明天開始,轉回全職上班,襯上星期最後一個星期返part time,去了搵丹尼鄭覆診。他見我驚個肚脹,所以照了一下個肚,佢話冇嘢喎,大便就有~噓。
CA125指數=5。繼續努力。
CA125指數=5。繼續努力。
2008年3月4日星期二
麻黃送你一對翼
上星期五覆診完,醫師話我肺好寒(手很凍),轉了新藥。今次呢劑藥,令我到星期六(第一日食)晚,眼光光等天光,六點幾才入睡,睡下醒下,連太極班都走了堂。
星期日晚,約十二點睡,至四點幾又醒,六點幾才開始淺睡。
尋晚,係四點幾才入睡,今早七點醒。
牙肉又腫哩~~~上次用麻黃的份量,明明與今劑相同,為何會有如上反應呢?
稍後要打畀醫師轉藥先。
原藥
麻黃 2錢
製附子 5錢
細辛根 1錢
白芷 3錢
桂枝 5錢
白芍 5錢
干薑 5錢
大棗 4枚
炙甘草 2錢
砂仁 2錢
茯苓 6錢
竹茹 3錢
夜交藤 5錢
五味子 2錢
補骨脂 5錢
星期日晚,約十二點睡,至四點幾又醒,六點幾才開始淺睡。
尋晚,係四點幾才入睡,今早七點醒。
牙肉又腫哩~~~上次用麻黃的份量,明明與今劑相同,為何會有如上反應呢?
稍後要打畀醫師轉藥先。
原藥
麻黃 2錢
製附子 5錢
細辛根 1錢
白芷 3錢
桂枝 5錢
白芍 5錢
干薑 5錢
大棗 4枚
炙甘草 2錢
砂仁 2錢
茯苓 6錢
竹茹 3錢
夜交藤 5錢
五味子 2錢
補骨脂 5錢
2007年12月18日星期二
被鄒姑娘嚇一嚇的說
上星期五(12.14)覆診,十一點半去到診所,已有2位病友在等打針,鄒姑娘一大早就很忙。丹尼鄭竟然已在office,繼續隊汽水。
檢查後,話一切正常,我問醫生,我個肚好似好大,醫生好大力搣我個肚,話係脂肪,頂,搣得好痛。
尋日星期一才記得打去問報告,最初鄒姑娘話指數是9,嚇我一跳,上次明明係6,點解高左,佢話,正常喎,上次係8,鄭醫生睇過,無問題。
個多小時候,又接到鄒姑娘電話,佢話之前原來睇錯,我的指數是6,同上次一樣......如來睇錯報告,係經常發生的事哩。
繼續努力...玩~~~~~~
檢查後,話一切正常,我問醫生,我個肚好似好大,醫生好大力搣我個肚,話係脂肪,頂,搣得好痛。
尋日星期一才記得打去問報告,最初鄒姑娘話指數是9,嚇我一跳,上次明明係6,點解高左,佢話,正常喎,上次係8,鄭醫生睇過,無問題。
個多小時候,又接到鄒姑娘電話,佢話之前原來睇錯,我的指數是6,同上次一樣......如來睇錯報告,係經常發生的事哩。
繼續努力...玩~~~~~~
2007年10月11日星期四
吳茱萸
2007年9月29日星期六
中暑
中秋節翌日,到海洋公園的一日遊,以中暑完結。
朝早,在入場後排完隊睇熊貓,已開始頭痛。後來再排一輪水母館,又在山頭走動,最後,回到銅鑼灣,頭像要爆開般,還想嘔哩。
醫師話,我是中暑喎。中暑的人,通常有寒氣有體內。我曬過後,熱積在體內,又不能迫寒氣散走,積住左,就搞成咁喎。
(唔知有冇記錯)
醫師按過我的頸,話有點頸椎移位,寒氣想上行時,有瘀塞,就會頭痛。
醫師再按背脊,在脾臟的穴位,有點痛,又有寒氣,所以我會每日三點倦睏。
又,早2日受了點寒,所以今個星期又加了難飲的吳茱萸,嗚~~~~~
好久沒寫藥方......
9.28
柴胡3錢
桂枝5錢
白芍5錢
干薑8錢
大棗4枚
炙甘草2錢
細辛根1錢
通草2錢
雞血藤5錢
吳茱萸2錢
蒼朮4錢
行朴3錢
烏藥3錢
柏子仁5錢
山萸肉5錢
八月扎3錢
~~~~~~~~~~~~~~~~~~~~~~~~
昨天等上yoga時,踫巧Leo在等坐車去機場。佢又放假啦!睇schedule唔見佢,以為佢唔撈添。原來佢係回Austria幫朋友做best man。聽佢講,Austrian是講德文的,而他的英文,是在旅行途中學識的。再談下去,原來佢廿歲開始便周圍遊歷,足跡偏佈歐洲,英國,星加坡,印度等等等等(我都唔記得咁多)。後來結識了中國籍的太太,就來了香港。又講講下,無端端自家沉浸在回憶中,好似有些難過事情在想,突然覺得這一幕很像彩子望著千秋在沉思的情景。哈,都幾得意。
十日後再見囉老師!
朝早,在入場後排完隊睇熊貓,已開始頭痛。後來再排一輪水母館,又在山頭走動,最後,回到銅鑼灣,頭像要爆開般,還想嘔哩。
醫師話,我是中暑喎。中暑的人,通常有寒氣有體內。我曬過後,熱積在體內,又不能迫寒氣散走,積住左,就搞成咁喎。
(唔知有冇記錯)
醫師按過我的頸,話有點頸椎移位,寒氣想上行時,有瘀塞,就會頭痛。
醫師再按背脊,在脾臟的穴位,有點痛,又有寒氣,所以我會每日三點倦睏。
又,早2日受了點寒,所以今個星期又加了難飲的吳茱萸,嗚~~~~~
好久沒寫藥方......
9.28
柴胡3錢
桂枝5錢
白芍5錢
干薑8錢
大棗4枚
炙甘草2錢
細辛根1錢
通草2錢
雞血藤5錢
吳茱萸2錢
蒼朮4錢
行朴3錢
烏藥3錢
柏子仁5錢
山萸肉5錢
八月扎3錢
~~~~~~~~~~~~~~~~~~~~~~~~
昨天等上yoga時,踫巧Leo在等坐車去機場。佢又放假啦!睇schedule唔見佢,以為佢唔撈添。原來佢係回Austria幫朋友做best man。聽佢講,Austrian是講德文的,而他的英文,是在旅行途中學識的。再談下去,原來佢廿歲開始便周圍遊歷,足跡偏佈歐洲,英國,星加坡,印度等等等等(我都唔記得咁多)。後來結識了中國籍的太太,就來了香港。又講講下,無端端自家沉浸在回憶中,好似有些難過事情在想,突然覺得這一幕很像彩子望著千秋在沉思的情景。哈,都幾得意。
十日後再見囉老師!
2007年9月15日星期六
三焦通兩焦
今天去了丹尼鄭那兒覆診,幾個月冇去,又怕抽血又怕檢查又怕醫生“吱”我。哈!
驗血報告明天才知,其他檢查就pass。丹尼鄭好像很忙很累,聲有點“盟”,見佢咁忙,冇同佢玩lu。最後他叫我繼續努力,繼續返一份冇野做的工(佢檢查時問我做乜工作,我話,唔好提啦,我份工冇野做,哈哈)。
今日(17/9,星期一)才記得打去問CA125報告...哈...6.2,正常喎,繼續努力....食中藥!!!!
西醫檢查完,下晏就到中醫。
今個星期,身體又明顯有點狀況,肚脹,經常肚痛,像吃了不潔食物般,排便次數多了。
醫師說,中焦及下焦通了。中焦通,會有胃氣;下焦通,會放屁,又會排水、肚瀉。
積在體內的廢水,現在被排走,是好事,但由於這些水又是承托身體的基礎,所以這星期我是氣虛的,要提氣喎。我還未說我有點氣喘,他就已經道出,勁啊醫師!
這星期玩瑜伽,心跳太快太速,我以為我會瘁死添,所以玩玩下都要停。本以為隔了一星期冇玩瑜伽,體質差了,原來是因為身體有變化。
醫師還說,不會幫我止痾,排毒情況自己會停。遲點,我應該會腳痕,熱氣添。中醫的醫治,是需要點時間的,看我五月食藥至今,才只有一點點進展,各位正在服用中藥的朋友們,要給點耐性啊。
有症狀,有進展,心情有點興奮。快吧快吧,多些症狀出來,快點將所有經脈打通佢∼∼∼
驗血報告明天才知,其他檢查就pass。丹尼鄭好像很忙很累,聲有點“盟”,見佢咁忙,冇同佢玩lu。最後他叫我繼續努力,繼續返一份冇野做的工(佢檢查時問我做乜工作,我話,唔好提啦,我份工冇野做,哈哈)。
今日(17/9,星期一)才記得打去問CA125報告...哈...6.2,正常喎,繼續努力....食中藥!!!!
西醫檢查完,下晏就到中醫。
今個星期,身體又明顯有點狀況,肚脹,經常肚痛,像吃了不潔食物般,排便次數多了。
醫師說,中焦及下焦通了。中焦通,會有胃氣;下焦通,會放屁,又會排水、肚瀉。
積在體內的廢水,現在被排走,是好事,但由於這些水又是承托身體的基礎,所以這星期我是氣虛的,要提氣喎。我還未說我有點氣喘,他就已經道出,勁啊醫師!
這星期玩瑜伽,心跳太快太速,我以為我會瘁死添,所以玩玩下都要停。本以為隔了一星期冇玩瑜伽,體質差了,原來是因為身體有變化。
醫師還說,不會幫我止痾,排毒情況自己會停。遲點,我應該會腳痕,熱氣添。中醫的醫治,是需要點時間的,看我五月食藥至今,才只有一點點進展,各位正在服用中藥的朋友們,要給點耐性啊。
有症狀,有進展,心情有點興奮。快吧快吧,多些症狀出來,快點將所有經脈打通佢∼∼∼
2007年9月2日星期日
去年今日
一周年了。去年今日,我被推進手術室,為漫長療程揭開序幕。
半年的西醫療程,我以為可以當作放長假,奈何精神萎靡,又不良於行,很多事情想做,卻做不來。
五月至今,一直得中醫照顧,身體在好轉中,但仍未完全康復。
我一直覺得不應以戰役來形容醫治癌症的過程,癌細胞其實始終來自你身體嘛,它們都是你一分子,是你自己不好好養護自己,才讓身體變壞嘛。
為身體加點平安加點愛,讓壞細胞重納正軌,就如讓犯了法的人,改過自身一樣。War or Peace, which one you like?
很多謝上天,讓我以平安的心去度過這一年,我知道,這種狀態,不是人人能享有。在我得到祝福之餘,我也希望,你們心中任何的擔憂,都能一掃而空,好好把握活著的這分鐘,聆聽一下自己的呼吸聲。
∼∼∼∼∼∼∼∼∼∼∼∼∼∼∼
手把青秧插滿田,低頭便見水中天;
六根清淨方為道,退步原來是向前。
~唐 . 布袋
近來,有網友因癌辭世,有網友復發,打擊,不能說沒有。回歸工作半年,發覺精神仍未能回復,不想太操勞;而且,我還有好多事情想做啊。所以,我決定暫時停工,讓我身體真正大休。
退步原來是向前﹣﹣﹣﹣﹣﹣﹣
農夫插秧,是倒後行的,你以為他在倒退嗎,其實,他在進步哩。
這次大休,是我增值的插秧過程。日文、電腦、健康,將會同步前進。
At the same time, bless you all.
半年的西醫療程,我以為可以當作放長假,奈何精神萎靡,又不良於行,很多事情想做,卻做不來。
五月至今,一直得中醫照顧,身體在好轉中,但仍未完全康復。
我一直覺得不應以戰役來形容醫治癌症的過程,癌細胞其實始終來自你身體嘛,它們都是你一分子,是你自己不好好養護自己,才讓身體變壞嘛。
為身體加點平安加點愛,讓壞細胞重納正軌,就如讓犯了法的人,改過自身一樣。War or Peace, which one you like?
很多謝上天,讓我以平安的心去度過這一年,我知道,這種狀態,不是人人能享有。在我得到祝福之餘,我也希望,你們心中任何的擔憂,都能一掃而空,好好把握活著的這分鐘,聆聽一下自己的呼吸聲。
∼∼∼∼∼∼∼∼∼∼∼∼∼∼∼
手把青秧插滿田,低頭便見水中天;
六根清淨方為道,退步原來是向前。
~唐 . 布袋
近來,有網友因癌辭世,有網友復發,打擊,不能說沒有。回歸工作半年,發覺精神仍未能回復,不想太操勞;而且,我還有好多事情想做啊。所以,我決定暫時停工,讓我身體真正大休。
退步原來是向前﹣﹣﹣﹣﹣﹣﹣
農夫插秧,是倒後行的,你以為他在倒退嗎,其實,他在進步哩。
這次大休,是我增值的插秧過程。日文、電腦、健康,將會同步前進。
At the same time, bless you all.
2007年7月8日星期日
醫生轉公司首星期工作
醫師轉新公司,在私人診所首星期執業。診所運作,姑娘的熟練度和合拍度,執藥的“慢”,我們病人和他,都需要一點時間適應。
醫師終於有自己的診症房,不再像以前般,流動診症。所以,他也可以擺與醫太的合照在桌上。甜姑問:點解冇貓相0既?一言驚醒,醫師話,係喎,不過,佢d相冇曬過出來。
醫生好勤力,將舊病人的病歷入了電腦,這工程都頗艱鉅。
以前浸會的藥袋,會有電腦print製label,寫明藥方。現在只有手寫藥單,要估醫師D字,有點難度。
07.07.07的藥
茵陳 5錢
熟附子 5
乾薑 8
炙甘草 3
澤瀉 5
白朮 4
茯苓 5
烏芍3
細辛根 1
桂枝 5
神曲 3
川朴 3
柏子仁 5
八月扎 3
白芍 4
我問醫師,有冇一些藥食完會開心D,因為我今個星期無緣無故變得奄悶,唔知佢有冇加到這種藥呢......
*****
各位,由於專重醫師的私隱,本blog不會公開或PM醫師的地址與聯絡方法,請你們繼續在醫師的網站留言,等待醫師的回覆。
醫師終於有自己的診症房,不再像以前般,流動診症。所以,他也可以擺與醫太的合照在桌上。甜姑問:點解冇貓相0既?一言驚醒,醫師話,係喎,不過,佢d相冇曬過出來。
醫生好勤力,將舊病人的病歷入了電腦,這工程都頗艱鉅。
以前浸會的藥袋,會有電腦print製label,寫明藥方。現在只有手寫藥單,要估醫師D字,有點難度。
07.07.07的藥
茵陳 5錢
熟附子 5
乾薑 8
炙甘草 3
澤瀉 5
白朮 4
茯苓 5
烏芍3
細辛根 1
桂枝 5
神曲 3
川朴 3
柏子仁 5
八月扎 3
白芍 4
我問醫師,有冇一些藥食完會開心D,因為我今個星期無緣無故變得奄悶,唔知佢有冇加到這種藥呢......
*****
各位,由於專重醫師的私隱,本blog不會公開或PM醫師的地址與聯絡方法,請你們繼續在醫師的網站留言,等待醫師的回覆。
2007年6月15日星期五
遠志
個個星期的藥,都因應身體狀況加減,這星期嘛,沒有竹片,多了其他,算大劑0架,所以藥材舖都收貴了$5,盛惠$40(連煲),今日飲這劑藥的最後一次:
乾薑 20克
細辛根 3克
五味子 6克
法半夏 15克
遠志 6克
炙甘草 6克
桂皮 10克
茯苓 20克
澤瀉 12克
白朮 12克
炒神曲 10克
大腹皮 10克
石菖蒲 10克
桃仁 10克
生苡仁 30克
菟絲子 15克
杞子 15克
補骨脂 15克
好喜歡遠志這名字,因為讀書時曾接觸過,甚麼甚麼華南遠志,好似好有大志咁@v@;石菖蒲嘛,不是種來觀賞的嗎?菟絲子,寄生植物,是植物界的吸血鬼,一旦纏上都幾麻煩;補骨脂,名字很特別哦....令我想到,金米枝會不會都係一種藥呢!
乾薑 20克
細辛根 3克
五味子 6克
法半夏 15克
遠志 6克
炙甘草 6克
桂皮 10克
茯苓 20克
澤瀉 12克
白朮 12克
炒神曲 10克
大腹皮 10克
石菖蒲 10克
桃仁 10克
生苡仁 30克
菟絲子 15克
杞子 15克
補骨脂 15克
好喜歡遠志這名字,因為讀書時曾接觸過,甚麼甚麼華南遠志,好似好有大志咁@v@;石菖蒲嘛,不是種來觀賞的嗎?菟絲子,寄生植物,是植物界的吸血鬼,一旦纏上都幾麻煩;補骨脂,名字很特別哦....令我想到,金米枝會不會都係一種藥呢!
2007年6月8日星期五
咳好轉
剛剛這星期,醫師開的藥是有化痰止咳作用。打開藥袋,竟然見到一片片竹,好香,好清。藥材舖老闆話,以前的竹茹,是一片片刨出來的,而家,就咁破開就係lu。食這劑藥,感覺到喉嚨不斷慢慢將痰推出來,開始就是喉嚨痕,然後痰便慢慢出來。星期一、二,咳到喘氣,到星期三,咳開始少了,今日星期五,起身也沒有咳,但仍有痰囉。
紫苑 15克
厚樸 9克
五味子 6克
冬瓜仁 15克
生苡仁 15克
麻黃 8克
茯苓 20克
熟附子 15克
乾薑 20克
枇杷葉 15克
大腹皮 10克
柏子仁 15克
細辛 3克
竹茹 15克
炙甘草 8克
焦神曲 10克
紫苑 15克
厚樸 9克
五味子 6克
冬瓜仁 15克
生苡仁 15克
麻黃 8克
茯苓 20克
熟附子 15克
乾薑 20克
枇杷葉 15克
大腹皮 10克
柏子仁 15克
細辛 3克
竹茹 15克
炙甘草 8克
焦神曲 10克
2007年6月4日星期一
一肚氣
今日心情不大好。
可能是六四,可能突然在blog上得知陳生已離去。
突然好想大喊一場!
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
呀,要報告一下今日覆診情況,醫生照了我的肚子,話肚內一滴水也沒有,肚脹,是因為腸內有氣。敲肚子,發出空洞的聲音時,是空氣緣故;若聲音較實,就是水喎,醫生話我學得一半,識得一半!
後記:5/6朝早有驗血報告,CA125為6.8,比上次多了少少,但仍在10以下,繼續努力!
可能是六四,可能突然在blog上得知陳生已離去。
突然好想大喊一場!
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
呀,要報告一下今日覆診情況,醫生照了我的肚子,話肚內一滴水也沒有,肚脹,是因為腸內有氣。敲肚子,發出空洞的聲音時,是空氣緣故;若聲音較實,就是水喎,醫生話我學得一半,識得一半!
後記:5/6朝早有驗血報告,CA125為6.8,比上次多了少少,但仍在10以下,繼續努力!
2007年3月31日星期六
第一次2個月後
昨天,趁最後一天返半日工,於上晝搵丹尼鄭覆診。
覆診日,基本上係人與荷包的血光之災。抽血,留一小支血都好閒,可憐係驗血費$460,醫生費$400,冇諗過咁貴0架!於大受打擊後,到HMV睇碟,噢,Hayley Westenra出了新碟,再買多2隻Prana Yoga及以花為主題的日本音樂碟,荷包真的傷得很重。早2日買了兩頂Cap帽,前一日又買了Wii Bomberman,嘩,今個星期發生乜事?
可幸,驗血報告今日出了。4.7呀∼∼∼∼有史以來最低的。練氣功時,我不停有預感(或者係不停在想),覺得指數會係4,竟然被我 “練成”,氣功呢家0野,真係唔講得笑呀下。
昨天,被丹尼鄭檢查完後,有見唔問0野好似好蝕,夾硬問佢關於豆漿的抗癌作用。佢話,冇乜報告做過相關研究。我話係做藥廠的作者寫的,佢話,藥廠係賺取暴利的,不可盡信,叫我搵報告佢睇,或者自己做實驗,我笑住話:我做緊啦!
久違了的丹尼鄭無聊爛Gag,昨天繼續連環爆發。首先問我頭髮是不是真的;然後自己支墨水筆漏墨,又話我件衫甩色。與他見面幾開心0既。
下次約會,要到五月尾lu。
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
寫blog途中,有雀突然站在窗外好大聲叫,嚇死,原來是喜鵲呀!
麻雀站窗就見得多,咁大隻喜鵲都係第一次見,牠是來為我報喜訊嗎?
姐姐於農曆年期間見到藍喜鵲,今日又有喜鵲出現,今年呢個家必定行好運!Trust Me!!!!!
覆診日,基本上係人與荷包的血光之災。抽血,留一小支血都好閒,可憐係驗血費$460,醫生費$400,冇諗過咁貴0架!於大受打擊後,到HMV睇碟,噢,Hayley Westenra出了新碟,再買多2隻Prana Yoga及以花為主題的日本音樂碟,荷包真的傷得很重。早2日買了兩頂Cap帽,前一日又買了Wii Bomberman,嘩,今個星期發生乜事?
可幸,驗血報告今日出了。4.7呀∼∼∼∼有史以來最低的。練氣功時,我不停有預感(或者係不停在想),覺得指數會係4,竟然被我 “練成”,氣功呢家0野,真係唔講得笑呀下。
昨天,被丹尼鄭檢查完後,有見唔問0野好似好蝕,夾硬問佢關於豆漿的抗癌作用。佢話,冇乜報告做過相關研究。我話係做藥廠的作者寫的,佢話,藥廠係賺取暴利的,不可盡信,叫我搵報告佢睇,或者自己做實驗,我笑住話:我做緊啦!
久違了的丹尼鄭無聊爛Gag,昨天繼續連環爆發。首先問我頭髮是不是真的;然後自己支墨水筆漏墨,又話我件衫甩色。與他見面幾開心0既。
下次約會,要到五月尾lu。
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
寫blog途中,有雀突然站在窗外好大聲叫,嚇死,原來是喜鵲呀!
麻雀站窗就見得多,咁大隻喜鵲都係第一次見,牠是來為我報喜訊嗎?
姐姐於農曆年期間見到藍喜鵲,今日又有喜鵲出現,今年呢個家必定行好運!Trust Me!!!!!
2007年3月7日星期三
又一個中醫 又一個風水師?
由三月一日起,小女子正式返回工作崗位。怕身體支持不來,三月暫且返住下半晝,收半份人工咁啦。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
昨晚譚醫師介紹了她診所內另一醫師給我認識--張慧君醫師,是針灸及推拿專家。她幫我把過脈,話我身體好熱,還有點濕。是化療藥還未散。然後佢同我傾0左好耐,以下為重點:
第一件事:要放下心理負擔。不要時刻覺得自己好可憐、會死,這想法,在廿年前可能說得通,但現代科學倡明,只要肯醫,一定醫得到。只要經常ENJOY每天生活,樂觀就可以了。
第二:氣功可以繼續練,因為可以令人放鬆,又可當作運動,打通經絡。
第三:飲食宜忌
戒食生果:芒果、榴槤、荔枝、龍眼
戒食肉類:癌細胞喜歡動物蛋白質,所以最好少食,目的是要餓死那些癌細胞。醫師話,人體細胞所需的養份,在蔬菜生果中已足夠攝取,基本上都唔需要食咁多肉,魚嘛,一星期食一兩次都夠;蛋,最好戒,因為營養太豐富。
戒食精製食品:罐頭、汽水
現在最好食:麥冬、百合、北(其)、杞子、白參、太子參(但氣功場說嚴禁吃參,我估我唔會掂任何參囉)、合桃、腰果、大量生果、蔬菜。生果蔬菜份量一定要比肉類多好多~~~~
張醫師話,信佢的話,就照佢方法做;信氣功場的話,就跟佢地做,張醫師所講的,可以不理。這是老馬所說,醫生尤如風水佬,講個信字囉。
哈,我喜歡融合多方講法囉。
現在的生活是
.每天早睡,盡量十一點上床,有精神就練埋睡前氣功
.每朝飲一杯豆漿,麵包作早餐,間中有時間才煲十穀粥
.早上行一次氣功(但這兩天凍,懶,打坐算了)
.少吃肉
.下午在公司以烚蕃薯作零食
.晚上放工就回家抖抖,減少晚間活動
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
昨晚譚醫師介紹了她診所內另一醫師給我認識--張慧君醫師,是針灸及推拿專家。她幫我把過脈,話我身體好熱,還有點濕。是化療藥還未散。然後佢同我傾0左好耐,以下為重點:
第一件事:要放下心理負擔。不要時刻覺得自己好可憐、會死,這想法,在廿年前可能說得通,但現代科學倡明,只要肯醫,一定醫得到。只要經常ENJOY每天生活,樂觀就可以了。
第二:氣功可以繼續練,因為可以令人放鬆,又可當作運動,打通經絡。
第三:飲食宜忌
戒食生果:芒果、榴槤、荔枝、龍眼
戒食肉類:癌細胞喜歡動物蛋白質,所以最好少食,目的是要餓死那些癌細胞。醫師話,人體細胞所需的養份,在蔬菜生果中已足夠攝取,基本上都唔需要食咁多肉,魚嘛,一星期食一兩次都夠;蛋,最好戒,因為營養太豐富。
戒食精製食品:罐頭、汽水
現在最好食:麥冬、百合、北(其)、杞子、白參、太子參(但氣功場說嚴禁吃參,我估我唔會掂任何參囉)、合桃、腰果、大量生果、蔬菜。生果蔬菜份量一定要比肉類多好多~~~~
張醫師話,信佢的話,就照佢方法做;信氣功場的話,就跟佢地做,張醫師所講的,可以不理。這是老馬所說,醫生尤如風水佬,講個信字囉。
哈,我喜歡融合多方講法囉。
現在的生活是
.每天早睡,盡量十一點上床,有精神就練埋睡前氣功
.每朝飲一杯豆漿,麵包作早餐,間中有時間才煲十穀粥
.早上行一次氣功(但這兩天凍,懶,打坐算了)
.少吃肉
.下午在公司以烚蕃薯作零食
.晚上放工就回家抖抖,減少晚間活動
2007年2月15日星期四
莫氣莫力
2007年2月14日星期三
靚仔醫生俏病人
二月十四,甜姑特別擇此日到診所驗血取藥,為鄭醫生獻上血的禮物。而我,就乘機湊熱鬧,兼送上薄禮答謝醫生。

這位就是靚仔鄭楚豪醫生了。相中的診症室像是很寬敞,這是拜 CANON機的wide angle所賜,房內貼滿一牆家庭照,還有小朋友的勞作,靚仔、仁心、仁術、愛家,點解有咁好的男人!!!
甜姑的病,不便由我說啦。(但都透露少少﹣﹣﹣佢要減肥囉,哈哈!!!)
鄭醫生,每次都係咁關心各人,問候我之餘,還有問李雲迪近況。佢真係一個好醫生0黎0架。
原來,當初他向我宣布我的病情時,為免我過份憂慮,他當時只以「有瘤腫,有擴散跡象」的婉轉詞彙來形容我的病情,沒有直接向我講我有cancer,怕我接受不來。(我當時都感覺到他好像不知要如何向我報告病情。)不過,我的過份冷靜讓這位醫生很不自在。佢覺得,病人應該會即時好shock,然後會追問醫生如何如何。佢話:「站在醫生立場,好難接受到個病人咁calm。」其實,當時我係未識驚,又未來得及驚0者。
翻發......甜姑的病可能會,李雲迪的病又可能會,但我的病就嚴重得多。「條路係崎嶇,但最緊要有得搞。」這是鄭醫生給我的勸勉。多謝你呀醫生。
由我們三人的病,談到醫生的兩位讀國際學校的小朋友,玩完一輪,離開醫生房,出面成村人等睇症,而我地就0係房度又傾偈又影相,間中還爆出大笑聲,希望冇畀人詛咒啦。
--------------------------------------------------------------------
回家,黑暗的路旁有物體在移動,原來是蟾蜍!這兩晚,都聽到牠們在叫,春節交配期又來了!!希望你們找到適合的另一半,努力繁衍下一代,幫我地食晒d蟑螂蚊蟲。
這位就是靚仔鄭楚豪醫生了。相中的診症室像是很寬敞,這是拜 CANON機的wide angle所賜,房內貼滿一牆家庭照,還有小朋友的勞作,靚仔、仁心、仁術、愛家,點解有咁好的男人!!!
甜姑的病,不便由我說啦。(但都透露少少﹣﹣﹣佢要減肥囉,哈哈!!!)
鄭醫生,每次都係咁關心各人,問候我之餘,還有問李雲迪近況。佢真係一個好醫生0黎0架。
原來,當初他向我宣布我的病情時,為免我過份憂慮,他當時只以「有瘤腫,有擴散跡象」的婉轉詞彙來形容我的病情,沒有直接向我講我有cancer,怕我接受不來。(我當時都感覺到他好像不知要如何向我報告病情。)不過,我的過份冷靜讓這位醫生很不自在。佢覺得,病人應該會即時好shock,然後會追問醫生如何如何。佢話:「站在醫生立場,好難接受到個病人咁calm。」其實,當時我係未識驚,又未來得及驚0者。
翻發......甜姑的病可能會,李雲迪的病又可能會,但我的病就嚴重得多。「條路係崎嶇,但最緊要有得搞。」這是鄭醫生給我的勸勉。多謝你呀醫生。
由我們三人的病,談到醫生的兩位讀國際學校的小朋友,玩完一輪,離開醫生房,出面成村人等睇症,而我地就0係房度又傾偈又影相,間中還爆出大笑聲,希望冇畀人詛咒啦。
--------------------------------------------------------------------
回家,黑暗的路旁有物體在移動,原來是蟾蜍!這兩晚,都聽到牠們在叫,春節交配期又來了!!希望你們找到適合的另一半,努力繁衍下一代,幫我地食晒d蟑螂蚊蟲。
2007年2月12日星期一
被嫌棄的朱古力
今日返診所拆線,之前,去ifc的Leonidas買了兩盒朱古力畀周姑娘及丹尼鄭。周姑娘識貨,知道呢隻朱古力好滑。嘿,丹尼鄭,我以後唔買朱古力畀你呀。Why?事因佢收到後,話:「你都好鍾意食朱古力喎。」「係呀。」「小心d呀,朱古力好肥。」「呢隻係冇附加糖0架。」「冇糖0者,有cream,好多cream0架。」死0野∼∼∼∼早知唔0徒錢買畀你啦,好Q貴0架。
討論完朱古力,入正題。分point講,冇咁煩:
.小妹的初步療程經已完成,在未來的兩年,都要keep住每兩個月回診所抽血檢驗。下次將會是四月。我怕我做完化療變得癡呆,到時大家可否提一提我。
.藥打入肚,與打進血管,基本上效果一樣,這是最新研究報告喎。丹尼鄭見我有點擔心,竟然仲寸我喎,「一唔係,我而家幫你0係肚度開刀,放番個盒入去,再打藥囉。」.............人地都係擔心問下0者,使唔使咁講0野。
.輔助性質的12針carboplatin,丹尼鄭冇堅持要我打。佢話,根據最新研究,打那12針,不能根治癌症,但可以延遲復發的情況;而在未復發及復發後才打,基本上係冇分別。當CA-125指數出現三位數字時再打都得。點解唔係超過35?因為指數在100以下,也scan不到腫瘤喎,貿貿然打,唔抵。
.覆診期間,若然發現有甚麼不妥,例如肚脹,就要即刻去睇佢。
.基本上手術半年後就可以做劇烈運動,佢話瑜伽唔算劇烈喎,但我話:「但拉扯得勁嘛。」丹尼鄭:「如果你聽到卜一聲,就call我,我幫你聯番。」@_@;但,佢又話,高溫瑜伽對心臟有危險,即使係平常人。
.Estrogen hormone,要天天搽,佢話:「咁後生,唔好咁快變0左個婆仔咁。」不怕引發乳癌嗎?不會喎,因為我連子宮都切0左,不會誘發乳癌喎。「咁係咪搽0左就冇骨質疏鬆?」「少0的機會啦。」
.復發率,香港與外國的數字一樣。丹尼鄭話,有些病人好幾年都冇事,但最近有一個一年後便復發了。
佢提我,叫我唔好忘記我的擴散範圍好大喎。咁點呢?你都幫唔到我乜0架啦。唯有靠自己行氣功啦,我唔想再打化療針,而家又已經沒有借口偷懶了,明天開始要努力啊。
---------------------------------
後記:周姑娘與丹尼鄭是無敵拍擋
話說,我攤0左0係床,丹尼鄭望完傷口,話傷口好靚,然後講:「拆線,睇,貼膠布。」
嘩,丹尼鄭,你係咪羅家英唐三藏上身,講得咁簡潔!
周姑娘見我一臉疑惑,就解釋:「拆線之後,畀佢睇下個傷口,然後就可以貼膠布。」
跟官咁耐,真係會心領神會。
討論完朱古力,入正題。分point講,冇咁煩:
.小妹的初步療程經已完成,在未來的兩年,都要keep住每兩個月回診所抽血檢驗。下次將會是四月。我怕我做完化療變得癡呆,到時大家可否提一提我。
.藥打入肚,與打進血管,基本上效果一樣,這是最新研究報告喎。丹尼鄭見我有點擔心,竟然仲寸我喎,「一唔係,我而家幫你0係肚度開刀,放番個盒入去,再打藥囉。」.............人地都係擔心問下0者,使唔使咁講0野。
.輔助性質的12針carboplatin,丹尼鄭冇堅持要我打。佢話,根據最新研究,打那12針,不能根治癌症,但可以延遲復發的情況;而在未復發及復發後才打,基本上係冇分別。當CA-125指數出現三位數字時再打都得。點解唔係超過35?因為指數在100以下,也scan不到腫瘤喎,貿貿然打,唔抵。
.覆診期間,若然發現有甚麼不妥,例如肚脹,就要即刻去睇佢。
.基本上手術半年後就可以做劇烈運動,佢話瑜伽唔算劇烈喎,但我話:「但拉扯得勁嘛。」丹尼鄭:「如果你聽到卜一聲,就call我,我幫你聯番。」@_@;但,佢又話,高溫瑜伽對心臟有危險,即使係平常人。
.Estrogen hormone,要天天搽,佢話:「咁後生,唔好咁快變0左個婆仔咁。」不怕引發乳癌嗎?不會喎,因為我連子宮都切0左,不會誘發乳癌喎。「咁係咪搽0左就冇骨質疏鬆?」「少0的機會啦。」
.復發率,香港與外國的數字一樣。丹尼鄭話,有些病人好幾年都冇事,但最近有一個一年後便復發了。
佢提我,叫我唔好忘記我的擴散範圍好大喎。咁點呢?你都幫唔到我乜0架啦。唯有靠自己行氣功啦,我唔想再打化療針,而家又已經沒有借口偷懶了,明天開始要努力啊。
---------------------------------
後記:周姑娘與丹尼鄭是無敵拍擋
話說,我攤0左0係床,丹尼鄭望完傷口,話傷口好靚,然後講:「拆線,睇,貼膠布。」
嘩,丹尼鄭,你係咪羅家英唐三藏上身,講得咁簡潔!
周姑娘見我一臉疑惑,就解釋:「拆線之後,畀佢睇下個傷口,然後就可以貼膠布。」
跟官咁耐,真係會心領神會。
訂閱:
文章 (Atom)

